തിരുവനന്തപുരം: കേന്ദ്ര സര്ക്കാരിന്റെ ഭരണ നേട്ടം സാധാരണ ജനങ്ങളില് എത്തിക്കുന്നതില് സംസ്ഥാനങ്ങള് കാട്ടുന്ന അലംഭാവത്തിനെതിരെ ഭാരതീയ പോസ്റ്റല് എംപ്ലോയീസ് ഫെഡറേഷന്റെ (ബിപിഇഎഫ്) ആഭിമുഖ്യത്തില് ദക്ഷിണ മേഖലയില് നടത്തുന്ന ഭാരതയാത്രയ്ക്ക് തുടക്കമായി. കര്ണാടക, ചെന്നൈ, ബംഗളൂരു, ആന്ധ്രാപ്രദേശ് എന്നീ സര്ക്കിളുകളില് സഞ്ചരിക്കും.ബിപിഇഎഫ് ജനറല് സെക്രട്ടറി എസ്.കെ. സിംഗാണ് യാത്ര നയിക്കുന്നത്.
ഭാരതയാത്രയോടനുബന്ധിച്ച് തിരുവനന്തപുരത്ത് ഭാരതീയ പോസ്റ്റല് എംപ്ലോയീസ് ഫെഡറേഷന് കേരളാ സര്ക്കിളിന്റെ നേതൃത്വത്തില് നടന്നു വന്ന പഠനശിബിരം സമാപിച്ചു. സമാപന സമ്മേളനം ഭാരതീയ വിചാരകേന്ദ്രം ജോയിന്റ് ഡയറക്ടര് ആര്. സഞ്ജയന് ഉദ്ഘാടനം ചെയ്തു. ബിപിഇഎഫ് അഖിലേന്ത്യ പ്രസിഡന്റ് സി. മന്മഥന്പിള്ള അദ്ധ്യക്ഷത വഹിച്ചു.
അഖിലേന്ത്യ വര്ക്കിംഗ് പ്രസിഡന്റ് മന്മോഹന് ശര്മ്മ, ബിജെപി സംസ്ഥാന വക്താവ് അഡ്വ. ജെ.ആര്. പത്മകുമാര്, ഫെറ്റോ ജനറല് സെക്രട്ടറി പി. സുനില്കുമാര്, എന്ജിഒ സംഘ് ജനറല് സെക്രട്ടറി എസ്.കെ. ജയകുമാര്, ജിഇഎന്സി ജില്ലാ സെക്രട്ടറി വിനോദ്കുമാര്, കെ. കൃഷ്ണകുമാര്, വി.കെ. ഹേമചന്ദ്രന് എന്നിവര് സംസാരിച്ചു.
