പട്ടാമ്പി: പ്രകൃതിവിരുദ്ധ പീഡനം സ്ത്രീപീഡനകേസുകളിലായി രണ്ട് പേര്‍ അറസ്റ്റില്‍.
പന്ത്രണ്ടുകാരനെ പ്രകൃതി വിരുദ്ധ പീഡനത്തിനിരയാക്കിയെന്ന പരാതിയില്‍ തിരുവേഗപ്പുറ ആമപ്പറ്റ പാറപ്പുറത്ത് വേലായുധ(44)നെയാണ് പട്ടാമ്പി പോലീസ് അറസ്റ്റ് ചെയ്തത്. കുട്ടിയെ പ്രലോഭിപ്പിച്ച് വീട്ടില്‍ കൊണ്ടുപോയി പീഡിപ്പിക്കുകയായിരുന്നു. കുട്ടിയുടെ മൊഴിയെ തുടര്‍ന്നാണ് അറസ്റ്റ്.
പരിചയം സ്ഥാപിച്ച് വീട്ടമ്മയെ പീഡിപ്പിച്ചതിനാണ് മഞ്ഞളുങ്ങല്‍ മാതന്‍കുഴി അബ്ബാസിനെ(30) പോലീസ് അറസ്റ്റ് ചെയ്തത്. പഴയ വസ്തുക്കള്‍ വില്‍പ്പന നടത്തുന്നയാളാണ് അബ്ബാസ്.
വീട്ടമ്മയുടെ പരാതിയെ തുടര്‍ന്നാണ് അറസ്റ്റ്.രണ്ടുപ്രതികളെയും കോടതിയില്‍ ഹാജരാക്കി റിമാന്റ് ചെയ്തു.
പട്ടാമ്പി സിഐ. പി.എസ്.സുരേഷ്, എസ്‌ഐ സത്യന്‍, ഗിരീഷ്,ബിജുമോന്‍, ഉണ്ണികൃഷ്ണന്‍,ഷെമീര്‍എന്നിവരുടെ നേതൃത്വത്തിലാണ് അറസ്റ്റ് ചെയ്തത്.
പ്രതികരിക്കാൻ ഇവിടെ എഴുതുക: