മുംബൈ: ഇന്ത്യന് ക്രിക്കറ്റ് പരിശീലകനെ തെരഞ്ഞെടുക്കുന്നതിനുളള അഭിമുഖം ഇന്ന് ഇവിടെ നടക്കും. സച്ചിനും ഗാംഗുലിയും ലക്ഷ്മണും അടങ്ങുന്ന ക്രിക്കറ്റ് ഉപദേശക സമിതിയാണ് അഭിമുഖം നടത്തുന്നത്. മുന് ടീം ഡയറക്ടറായ രവിശാസ്ത്രിക്ക് നറുക്ക് വീഴാനാണ് സാധ്യത.
രവിശാസ്ത്രി, വീരേന്ദ്രര് സെവാഗ്, ടോം മൂഡി, റിച്ചാര്ഡ് പൈബസ് ,ഡോഡ ഗണേഷ് , ലാല്ചന്ദ് രാജ്പുത്ത് , ലാന്സ് ക്ലുസ്നര്, രാകേഷ് ശര്മ (ഒമാന് ദേശീയ ടീം കോച്ച് ) ഫില് സിമണ്സ്, ഉപേന്ദ്രനാഥ് ബ്രഹ്മാചാരി തുടങ്ങിയവരാണ് കോച്ചാകാന് അപേക്ഷ നല്കിയിട്ടുളളത്്.
ഇവരില് ആറുപേരെയാണ് ഇന്റര്വ്യൂ ചെയ്യുന്നത്. ശാസ്ത്രി, സെവാഗ്, മൂഡി, സിമണ്സ് , പൈബസ്, രാജ്പുത്ത് എന്നിവരെയാണ്് ഇന്റര്വ്യൂ ചെയ്യുകയെന്ന് ബിസിസിഐയോട് അടുത്ത വൃത്തങ്ങള് വെളിപ്പെടുത്തി.
ക്യാപ്റ്റന് വിരാട് കോഹ്ലിയുമായുളള പ്രശ്നങ്ങളെ തുടര്ന്ന് അനില് കുംബ്ലെ രാജിവച്ചതിനാലാണ് കോച്ചിന്റെ സ്ഥാനം ഒഴിവുവന്നത്.
കോഹ്ലിയുമായി നല്ലബന്ധം പുലര്ത്തുന്ന മുന് ടീം ഡയറക്ടറായ രവി ശാസ്ത്രി കോച്ചായി തെരഞ്ഞെടുക്കപ്പെടുമെന്നാണ് പ്രതീക്ഷ. എന്നാല് ശാസ്ത്രിയുമായി നല്ല ബന്ധത്തിലല്ലാത്ത സൗരവ് ഗാംഗുലിയുടെ തീരുമാനം നിര്ണായകമായേക്കും. ഗാംഗുലി പച്ചക്കൊടി കാണിച്ചാല് ശാസ്ത്രി തന്നെ കോച്ചാകും.
സെവാഗ് മികച്ച കളിക്കാരനായിരുന്നു. എന്നാല് പരിശീലകനെന്ന നിലയില് കഴിവു തെളിയിക്കേണ്ടതുണ്ട്. ഐപിഎല്ലില് കിങ്ങ്സ് ഇലവന് പഞ്ചാബിന്റെ കോച്ചായ സെവാഗിന് ഇതുവരെ മികവ് കാട്ടാനായിട്ടില്ല.
