സംഘ കലാവേദി ഭാരവാഹികള് വാര്ത്താ സമ്മേളനത്തില്
തിരുവനന്തപുരം: അരങ്ങിലെ കലാകാരന്മാരുടെ ക്ഷേമത്തിനായി രൂപം കൊടുത്ത ‘സംഘകലാവേദി’യുടെ ചെയര്മാനായി സംവിധായകന് രാജസേനനെ തെരെഞ്ഞെടുത്തു. നൂറനാട് ഷാജഹാന് (ജനറല് സെക്രട്ടറി), യതികുമാര് (വൈസ് ചെയര്മാന്), സുരേന്ദ്രന് (ട്രഷറര്), ലീല പണിക്കര് (ജോയിന്റ് സെക്രട്ടറി) എന്നിവരാണ് മറ്റ് ഭാരവാഹികള്. നടി ശാരദ, കുമ്മനം രാജശേഖരന്, സുരേഷ് ഗോപി എംപി, ഒ.രാജഗോപാല് എംഎല്എ തുടങ്ങിയവരുടെ രക്ഷാകര്തൃത്വത്തിലാണ് സംഘടനയ്ക്ക് രൂപം കൊടുത്തത്.
തിരുവനന്തപുരത്തിന് പിന്നാലെ കൊച്ചിയിലും കോഴിക്കോടും വരും ദിവസങ്ങളില് സംഘടനയുടെ മേഖലാ മീറ്റിങ്ങുകള് നടക്കും. 200 രൂപ പ്രവേശന ഫീസോടെ കലാകാരന്മാര്ക്ക് സംഘടനയില് ചേരാം. അംഗത്വത്തിനായി ഇആര്എ 22, കൊച്ചാര് റോഡ്, ഇടപ്പഴിഞ്ഞി, ശാസ്തമംഗലം, തിരുവന്തപുരം എന്ന വിലാസത്തിലോ 9446569939, 9809272902 എന്നീ നമ്പരുകളിലോ ബന്ധപ്പെടാം.
അവശത അനുഭവിക്കുന്ന കലാകാരന്മാര്ക്ക് സഹായം എത്തിക്കുക, മികച്ച പ്രവര്ത്തകര്ക്ക് അവാര്ഡ് നല്കുക, ക്ഷേമപ്രവര്ത്തനങ്ങളില് പങ്കാളികളാകുക തുടങ്ങിയവയാണ് സംഘടനയിലൂടെ ഉദ്ദേശിക്കുന്നതെന്ന് രാജസേനന് പറഞ്ഞു.
