കൊല്ലം ഡിഎംഒ ഓഫീസിലേക്ക് ബിജെപി നടത്തിയ മാര്ച്ച് സംസ്ഥാന പ്രസിഡന്റ് കുമ്മനം രാജശേഖരന് ഉദ്ഘാടനം ചെയ്യുന്നു. സമീപം കെ. ശിവദാസന്, എന്. ചന്ദ്രമോഹനന്, ജി. ഗോപിനാഥ്, ബി. രാധാമണി എന്നിവര്
കൊല്ലം: സംസ്ഥാനത്ത് 300 പേര് മരിച്ച സാഹചര്യത്തില് പകര്ച്ചപ്പനി നിയന്ത്രിക്കുന്നതിന് പിണറായി സര്ക്കാരും ആരോഗ്യമന്ത്രി കെ.കെ. ഷൈലജയും ദുരഭിമാനം വെടിഞ്ഞ് കേന്ദ്രസര്ക്കാരിന്റെ സഹായം തേടണമെന്ന് ബിജെപി സംസ്ഥാന പ്രസിഡന്റ് കുമ്മനം രാജശേഖരന് ആവശ്യപ്പെട്ടു. കൊല്ലം ജില്ലാ കമ്മിറ്റി സംഘടിപ്പിച്ച ഡിഎംഒ ഓഫീസ് മാര്ച്ചും ധര്ണയും കളക്ട്രേറ്റ് പടിക്കല് ഉദ്ഘാടനം ചെയ്യുകയായിരുന്നു അദ്ദേഹം.
വോട്ട് ചെയ്ത് അധികാരത്തിലെത്തിച്ച ജനങ്ങളെ പനിമരണത്തിന് വിട്ടുകൊടുത്ത് സര്ക്കാര് ക്ഷമ പരീക്ഷിക്കുകയാണ്. കേരളം ആവശ്യപ്പെട്ടാല് ഈ സാഹചര്യം പരിഹരിക്കാന് കേന്ദ്രസഹായം ലഭിക്കും. എന്നാല് ആരോഗ്യമന്ത്രിക്ക് അതിനുള്ള മനസില്ല. പനി വന്നവര് കഷ്ടപ്പെട്ടും നരകിച്ചും ദിവസേന മരിച്ചുവീഴുകയാണ്. ഇതൊന്നും കണ്ണുതുറന്ന് കാണാന് സര്ക്കാരിന് സാധിക്കുന്നില്ല.
രാജ്യത്ത് കേരളത്തില് മാത്രമാണ് ഈ ദുരവസ്ഥയുള്ളത്. ശുചീകരണം കൃത്യമായി നടപ്പാക്കാത്തതാണ് ദുരവസ്ഥയ്ക്ക് കാരണം. ബിജെപി പ്രവര്ത്തകര് ശുചീകരണ രംഗത്തിറങ്ങിയിട്ടുണ്ട്. ഒരേസമയം സേവനവും സമരവും എന്നതാണ് പാര്ട്ടിയുടെ നിലപാട്. സര്ക്കാരിന്റെ ജനദ്രോഹ നിലപാട് ബിജെപി തുറന്നുകാട്ടുമെന്നും കുമ്മനം കൂട്ടിച്ചേര്ത്തു.
ജില്ലാ പ്രസിഡന്റ് ജി.ഗോപിനാഥ് അധ്യക്ഷത വഹിച്ചു. ദേശീയസമിതിയംഗം കെ.ശിവദാസന്, സംസ്ഥാന വൈസ് പ്രസിഡന്റ് ബി.രാധാമണി, സെക്രട്ടറി രാജിപ്രസാദ്, സുജിത് സുകുമാരന്, എന്.ചന്ദ്രമോഹന് എന്നിവര് സംസാരിച്ചു.
