കോഴിക്കോട്: സംസ്ഥാനത്ത് പനി പടര്ന്നു പിടിച്ച സാഹചര്യത്തില് സര്ക്കാര് ആശുപത്രികളിലെ ഡോക്ടര്മാര് അനാവശ്യമായി അവധിയെടുക്കരുതെന്ന് ആരോഗ്യമന്ത്രി കെ.കെ ശൈലജ. കോഴിക്കോട് ജില്ലയിലെ പനി പ്രതിരോധ പ്രവര്ത്തനങ്ങള് വിലയിരുത്തിയ ശേഷം മാധ്യമപ്രവര്ത്തകരോട് സംസാരിക്കുകയായിരുന്നു മന്ത്രി.
നേരത്തെ ഒ.പി അവസാനിപ്പിക്കുകയോ അനാവശ്യമായി അവധി എടുക്കുകയോ ചെയ്യുന്ന ഡോക്ടര്മാര്ക്കെതിരെ കര്ശന നടപടിയെടുക്കുമെന്ന് മന്ത്രി വ്യക്തമാക്കി. ചിലയിടങ്ങളില് നേരത്തെ ഒ.പി നിര്ത്തി പോകുന്നതും അനാവശ്യമായി ഡോക്ടര്മാര് അവധിയെടുക്കുന്നതായി ശ്രദ്ധയില്പ്പെട്ടിട്ടുണ്ട്. അത്തരക്കാര് സര്ക്കാര് സര്വീസില് തുടരണമെന്നില്ലെന്നും പിരിഞ്ഞു പോകാമെന്നും മന്ത്രി പറഞ്ഞു.
ആശുപത്രികളില് ഡോക്ടര്മാരുടെ സേവനം ഉറപ്പു വരുത്തുമെന്നും മന്ത്രി പറഞ്ഞു. പ്രത്യേക സാഹചര്യം കണക്കിലെടുത്ത് താല്ക്കാലികമായി ഡോക്ടര്മാരെയും നഴ്സുമാരെയും നിയമിക്കാന് അനുമതി നല്കിയിട്ടുണ്ട്. സര്ക്കാര് ആശുപത്രികളില് മുഴുവവന് സമയ ചികിത്സ ഉറപ്പുവരുത്താനും നിര്ദ്ദേശം നല്കിയിട്ടുണ്ടെന്നും മന്ത്രി പറഞ്ഞു.
