റോമ:റോമയും ലിയോണും യുറോപ്പ ലീഗിന്റെ പ്രീ-ക്വാര്ട്ടറില് കടന്നു.അതേസമയം ടോട്ടന്ഹാം ഹോട്ട്സ്പറിനെ ജെന്റ് ഓഫ് ബെല്ജിയം അട്ടിമറിച്ചു. രണ്ടുപാദമായി നടന്ന മത്സരത്തില് വില്ലാറിയലിനെ തോല്പ്പിച്ചാണ് റോമ പ്രീ ക്വാട്ടറിലെത്തിയത്. രണ്ടാം മത്സരത്തില് ഏകപക്ഷീയമായ ഒരുഗോളിന് തോറ്റെങ്കിലും ആദ്യപാദത്തിലെ നാലു ഗോള് വിജയം റോമയെ പ്രീക്വാര്ട്ടറിലെത്തിച്ചു.
രണ്ടാം പാദത്തില് അസ് അല്ക്കമറെ ഒന്നിനെതിരേ ഏഴുഗോളുകള്ക്ക് തകര്ത്താണ് ലിയോണ് പ്രീ-ക്വാര്ട്ടറില് കടന്നത്.ആദ്യമത്സരത്തില് ഒന്നിനെതിരെ നാലു ഗോളുകള്ക്ക് ലിയോണ് വിജയം നേടിയിരുന്നു. പ്രീമിയര് ലീഗില് നിലവില് മൂന്നാം റാങ്കുകാരയ ടോട്ടന്ഹാം ഹോട്ടസ്പറിനെ ജെന്റ ഓഫ് ബെല്ജിയം രണ്ടിനെതിരേ മൂന്ന് ഗോളുകള്ക്കാണ് അട്ടിമറിച്ചത്. വെംബ്ളിയില് നടന്ന രണ്ടാം പാദമത്സരത്തില് ജെന്റസ് ടോട്ടന് ഹാമിനെ സമനിയില് തളച്ചു (2-2).ആദ്യ മത്സരത്തില് ഏകപക്ഷീയമായ ഒരു ഗോളിന് ജെന്റസ് ടോട്ടന്ഹാമിനെ തോല്പ്പിച്ചിരുന്നു.
മറ്റൊരു മത്സരത്തില് സെല്റ്റ ഡി വിഗോ വിജയം നേടി.ആദ്യ പാദത്തില് എകപക്ഷീയമായ ഒരുഗോളിന് ഷക്ക്ത്തര് ഡോണ്സെക്കിനോട് തോറ്റ സെല്റ്റ രണ്ടാം പാദത്തില് എതിരാല്ലാത്ത രണ്ടു ഗോളുകള്ക്ക് ഷക്ക്ത്തറെ കീഴടക്കി. റോസ്റ്റോവും പ്രീക്വാര്ട്ടറിലെത്തി.രണ്ടാംപാദ മത്സരത്തില് സ്പാര്ട്ടയോടെ സമിനില പിടച്ച റോസ്റ്റോവ് ആദ്യപാദത്തിലെ നാലു ഗോള് വിജയത്തിന്റെ മികവില് പ്രീക്വാര്ട്ടറില് കടന്നു.
