മാനന്തവാടി: കൊട്ടിയൂരില് പാതിരിയുടെ പീഡനത്തിനിരയായി പതിനാറുകാരി പ്രസവിച്ച സംഭവത്തില് പോലീസന്വേഷണം മറ്റൊരു പാതിരിയിലേക്കും നീങ്ങുന്നതായി സൂചന. കേസിലെ മുഖ്യപ്രതിയായ ഫാദര് റോബിന് വടക്കുഞ്ചേരിയുടെ സഹായിയായ മറ്റൊരു വൈദികനെ കുറിച്ചും പോലീസ് അന്വേഷണം ആരംഭിച്ചു. സംഭവം നടന്ന ശേഷം റോബിന് വടക്കുഞ്ചേരിക്ക് കാനഡയിലേക്കു കടക്കാന് സഹായം നല്കിയ വൈദികനെ കുറിച്ചാണ് പോലീസ് അന്വേഷിക്കുന്നത്.
അതേസമയം ഒളിവില് പോയ സിഡബ്യുയുസി ചെയര്മാന് ഫ തോമസ് തേരകമടക്കമുള്ള മുഴുവന് പ്രതികകള്ക്കും വേണ്ടിയുള്ള അന്വേഷണം ഊര്ജിതമാക്കിയതായി പോലീസ് അറിയിച്ചു.ശിശുക്ഷേമ സമിതി ചെയര്മാന് തോമസ് തേരകവും അംഗം സിസ്റ്റര് ബെറ്റിയും ഒളിവില് പോയതായാണ് സൂചന. സംഭവത്തില് ഇവരെയും പ്രതിചേര്ക്കാന് പൊലീസ് നീക്കം നടക്കുന്നതിനിടെയാണ് ഇവര് ഒളിവില് പോയത്. പ്രതിയാക്കും എന്ന ഭയത്തെ തുടര്ന്നാണ് ഇതെന്നാണ് സൂചന.
പ്രായപൂര്ത്തിയാകാത്ത കുട്ടിയെ പ്രസവത്തിന് ആശുപത്രിയിലെത്തിച്ച രണ്ട് കന്യാസ്ത്രീകള് ഉള്പ്പെടെ മൂന്നു പേര് കൂടി ഒളിവിലാണ്. കുഞ്ഞിനെ ഏറ്റടുക്കുന്നതിലെ മാനദണ്ഡങ്ങളില് വീഴ്ച വരുത്തിയെന്നും സംഭവം മൂടിവെക്കാന് ശ്രമിച്ചുവെന്നുമാണ് വയനാട് ശിശുക്ഷേമ സമിതി ചെയര്മാനെതിരായ ആരോപണം. എന്നാല് സഭാസ്ഥാപനത്തിനുള്ളില് കയറിയുള്ള പരിശോധന നടത്തേണ്ടെന്നാണ് നല്കിയിരിക്കുന്ന നിര്ദ്ദേശം പ്രതികള്് നാളെ ഹൈക്കോടതിയില് മുന്കൂര് ജാമ്യാപേക്ഷ നല്കുമെന്നും സൂചനയുണ്ട്.
ഒരു പഴുതുകളും അവശേഷിക്കാതെ മുഴുവന് പ്രതികളെയും നിയമത്തിനുമുന്നില് കോണ്ടുവരാനുള്ള അവസാനഘട്ട ശ്രമമാണ് പോലീസ് നടത്തുന്നത്. പ്രതികളെല്ലാം ഒളുവില് പോകാന് സാധ്യതയുണ്ടെന്ന് സംശയമുള്ള മുഴുവന് സഭാസ്ഥാപനങ്ങളും ഇപ്പോള് പോലീസ് നിരീക്ഷണത്തിലാണ്
