ബംഗളൂരൂ: ടിവി റിയാലിറ്റി ഷോയില് ഹിന്ദു ഭക്തിഗാനമാലപിച്ച കര്ണാടകയിലെ ശിവമോഗയിലുളള മുസ്ലീം പെണ്കുട്ടിയെ സാമൂഹ്യമാധ്യമങ്ങളില് അപമാനിച്ചു.
ബുര്ഖ ധരിച്ചാണ് സുഹാന സയീദ് എന്ന പെണ്കുട്ടി സീ കന്നഡയുടെ സരിഗമപധനിയില് ഹിന്ദു ഭക്തിഗാനമാലപിച്ചത്. മംഗലാപുരം മുസ്ലീംസ് എന്ന പേരിലുളള ഒരു ഗ്രൂപ്പാണ് ഫേസ്ബുക്കില് സുഹാനയ്ക്കെതിരെ തിരിഞ്ഞത്.
പുരുഷന്മാരുടെ മുന്നില് സൗന്ദര്യം പ്രദര്ശിപ്പിച്ച് ബുര്ഖ ധരിച്ച് അന്യമതത്തിലെ ദൈവത്തിന് വേണ്ടി പാടിയതിലൂടെ നിങ്ങള് ഇസ്ലാമിനെ അവഹേളിച്ചു എന്നാണ് മതമൗലിവാദികള് പറയുന്നത്.
ആറ് മാസം കൊണ്ട് ഖുറാന് ഓതാന് പഠിക്കുന്ന കുട്ടികള് ഇവിടെയുണ്ട്. നിങ്ങളുടെ സൗന്ദര്യം പ്രദര്ശിപ്പിക്കാന് അനുവദിക്കുക വഴി നിന്റെ മാതാപിതാക്കളും പാപം ചെയ്തിരിക്കുന്നു. നിന്റെ ബുര്ഖ നശിപ്പിക്കൂ, ഇത് ധരിക്കാന് നിനക്ക് അര്ഹയല്ല. അവര് ആക്ഷേപിക്കുന്നു.
സുഹാനയുടെ മാതാപിതാക്കള് നരകത്തില് പോകുമെന്നും അളളാഹു അവര്ക്ക് മാപ്പ് നല്കില്ലെന്നും പറയുന്ന പോസ്റ്റുമുണ്ട്. മുസ്ലീം സ്ത്രീകള്ക്ക് മാതൃകയാകുമെന്നാണ് കരുതുന്നതെങ്കില് നിനക്ക് തെറ്റി. ദൈവഭയമുളള മുസ്ലീം സ്ത്രീകളെ നിന്റെ വഴിയെ നടക്കാന് പ്രേരിപ്പിക്കരുതെന്നും പോസ്റ്റിലുണ്ട്. അവര് നരകത്തിലാകുമെന്നും അതിന്റെ ഉത്തരവാദിത്തവും നിനക്കായിരിക്കും എന്നും മുന്നറിയിപ്പുണ്ട്.
