തെരഞ്ഞെടുപ്പുകളില് തിരിച്ചടിയുണ്ടാകുമെന്ന ഭീതികൂടാതെ ദുഷ്കരമായ തീരുമാനങ്ങളെടുക്കാന് കഴിയുന്നതിന്റെ തെളിവാണ് ഉത്തര്പ്രദേശിലെ ബിജെപി വിജയം. നോട്ട് റദ്ദാക്കലുള്പ്പെടെ പ്രധാനമന്ത്രി നരേന്ദ്ര മോദിയുടെ തീരുമാനങ്ങള്ക്കും നയങ്ങള്ക്കുമുള്ള അംഗീകാരമാണ് തെരഞ്ഞെടുപ്പ് ഫലം.
രാഷ്ട്രീയ നഷ്ടമുണ്ടാകുമെന്ന് ഭയന്നാണ് ആളുകള് വിഷമകരമായ തീരുമാനങ്ങളെടുക്കാതിരിക്കുന്നത്. ഈ ഭീതിക്ക് അടിസ്ഥാനമില്ലെന്ന് നരേന്ദ്ര മോദി തെളിയിച്ചിരിക്കുകയാണ്. ഒരു പ്രത്യേക രാഷ്ട്രീയപാര്ട്ടിയെയും മുന്നണിയെയും ചുറ്റിപ്പറ്റി ജാതീയവും മതപരവുമായുള്ള വോട്ടുബാങ്ക് എന്ന മിഥ്യ തകര്ന്നിരിക്കുന്നു. എല്ലാവര്ക്കുമൊപ്പം എല്ലാവരുടെയും വികസനം എന്നതാണ് പുതിയ മന്ത്രം.
നിയമസഭാ തെരഞ്ഞെടുപ്പില് തുടച്ചുനീക്കപ്പെട്ട ബിഎസ്പിയുടെ നേതാവ് മായാവതി വോട്ടിംഗില് കൃത്രിമം നടന്നുവെന്ന് ആരോപിച്ചിരിക്കുകയാണ്. കിട്ടാത്ത മുന്തിരി പുളിക്കും എന്നല്ലാതെ എന്തുപറയാന്.
ഉത്തര്പ്രദേശില് കോണ്ഗ്രസിനുണ്ടായ ദയനീയ തോല്വി രാഹുല്ഗാന്ധിയുടെ മാത്രം പരാജയമല്ല. കോണ്ഗ്രസ് നേതാവ് ഗുലാം നബി ആസാദ് വലിയ അവകാശവാദംപോലെ പറയുകയുണ്ടായി സോണിയാ ഗാന്ധിയുടെ മകള് പ്രിയങ്ക വാദ്രയും പാര്ട്ടിക്കുവേണ്ടി നേട്ടമുണ്ടാക്കുമെന്ന്. ഇപ്പോള് പ്രിയങ്കയും പരാജയപ്പെട്ടിരിക്കുന്നു. ഗംഗാമാതാവിന്റെ നാമത്തില് രാഹുല് പറയട്ടെ, ആരെയാണ് ഉത്തര്പ്രദേശ് തെരഞ്ഞെടുത്തിരിക്കുന്നതെന്ന്.
