ശ്രീനാരായണ ഗുരുദേവന് ഒരിക്കല് ഡോ. പല്പ്പുവിനോട് സരസമായി ചോദിച്ചു, ‘നമുക്ക് സന്താനങ്ങളില്ല. ഡോക്ടറുടെ ഒരു സന്താനത്തെ നമുക്ക് നല്കുമോ?’ നടരാജന് നാരായണ ഗുരുദേവനിലേക്ക് ആകര്ഷിക്കപ്പെടാന് ഏറെക്കാലം വേണ്ടിവന്നില്ല.
മദിരാശിയിലെ പ്രസിദ്ധമായ പ്രസിഡന്സി കോളജില്നിന്ന ബിരുദാനന്തര ബിരുദം നേടിയശേഷം നടരാജന് ആലുവ അദ്വൈതാശ്രമത്തിലെ അന്തേവാസിയായിത്തീര്ന്നു. അവിടത്തെ വ്യവഹാരികളായ അധികാരികളുമായി പൊരുത്തപ്പെട്ടുപോകുവാന് നടരാജന് കഴിഞ്ഞില്ല. അവിടെനിന്ന് അദ്ദേഹം ഒഴിവായി.
1923 ല് നടരാജഗുരു ഊട്ടിയില് നാരായണ ഗുരുകുലം തുടങ്ങി. പക്ഷേ സാമ്പത്തിക ഞെരുക്കം മൂലം 1926 ല് അവിടെനിന്ന് ആലുവയ്ക്കും പിന്നെ ശിവിഗിരിയിലേക്കും പോന്നു. ശിവഗിരിയില് സ്ഥാപിച്ചിരുന്ന ഇംഗ്ലീഷ് സ്കൂളിന്റെ ഹെഡ്മാസ്റ്ററായി നാരായണ ഗുരു അദ്ദേഹത്തെ നിയോഗിച്ചു.
നടരാജ ഗുരുവിന് ഉന്നതവിദ്യാഭ്യാസത്തിനായി പാശ്ചാത്യ ദേശത്തേക്ക് പോകാനുള്ള ഉപദേശം മാത്രമല്ല, യാത്രാച്ചെലവ് മുഴുവനും നാരായണഗുരുദേവനാണ് വഹിച്ച്. യാത്ര ചോദിക്കാനെത്തിയ നടരാജനോട് ഗുരു ചോദിച്ചു, ”എന്നാണ് തിരിച്ചുവരിക?” നടരാജന് പറഞ്ഞു, ‘എട്ടുമാസം കഴിയും.’ അപ്പോള് ഗുരു പറഞ്ഞു, ‘നാലുമാസം മതിയാകും’ നടരാജഗുരു പോയി നാലുമാസം കഴിഞ്ഞപ്പോള് നാരായണഗുരു സമാധിയായി. നാരായണഗുരുവിന്റെ വാക്കുകളിലെ ഈ പ്രവചനസ്വഭാവം നടരാജ ഗുരുവിനെ എക്കാലത്തും ചിന്താമഗ്നനാക്കി.
പാരീസിലെ സൊര്ബോണ് സര്വകലാശാലയില് നിന്നാണ് ‘വിദ്യാഭ്യാസത്തിലെ വ്യക്തിഗതമായ അംശം’ എന്ന വിഷയത്തില് നടരാജഗുരു ട്രിപ്പിള് ഓണേഴ്സോടുകൂടി ഡി ലിറ്റ് ബിരുദം നേടിയത്. നാരായണ ഗുരു എഴുതിയ ആത്മോപദേശ ശതകത്തിലെ 36 മുതല് 42 വരെയുള്ള ശ്ലോകങ്ങളെ വ്യാഖ്യാനിച്ചുകൊണ്ടായിരുന്നു ഗവേഷണ പ്രബന്ധം തയ്യാറാക്കിയത്.
മലയാളികള്ക്കു മാത്രം പരിചിതമായിരുന്ന ശ്രീനാരായണ ദര്ശനത്തിന് വിദേശരാജ്യങ്ങളില് പ്രചാരം ലഭിച്ചത് നടരാജഗുരുവിലൂടെയായിരുന്നു. 1948 മുതല് 1951 വരെ നീണ്ടുനിന്ന തന്റെ അമേരിക്കന് പര്യടന വേളയില് ചെയ്ത പ്രഭാഷണങ്ങള് സംഗ്രഹിച്ച് നടരാജഗുരു തയ്യാറാക്കിയ പുസ്തകമാണ്, ണീൃറ ീള ഏൗൃൗ (ഗുരവരുള്). നാരായണ ഗുരുദേവന്റെ ഏകലോക സിദ്ധാന്തത്തെ കേന്ദ്രീകരിച്ച് നിരവധി ഗ്രന്ഥങ്ങള് നടരാജഗുരു തയ്യാറാക്കിയിട്ടുണ്ട്.
നടരാജഗുരു 1938 ലാണ് വര്ക്കലയില് നാരായണ ഗുരുകുലം സ്ഥാപിക്കുന്നത്. പില്ക്കാലത്ത് നാരായണഗുരുകുലങ്ങളുടെ കേന്ദ്രസ്ഥാനമായിത്തീര്ന്നു ഇവിടം. നടരാജഗുരു 1969 ല് ഏകത്വബോധത്തിലൂടെ ലോകസമാധാനം എന്ന ലക്ഷ്യത്തോടെ പത്തുദിവസം നീണ്ടുനിന്ന ലോകസര്വമത സമ്മേളനം കണ്ണൂര് ജില്ലയിലെ ഏഴിമല ഗുരുകുലത്തില് നടത്തുകയുണ്ടായി.
1895 ഫെബ്രുവരി 11 ന് ഡോ. പല്പ്പുവിന്റെയും ഭഗവതിയമ്മയുടെയും മകനായി ജനിച്ച നടരാജ ഗുരു 1973 മാര്ച്ച് 19-ാം തീയതി വര്ക്കല ഗുരുകുലത്തില് വച്ച് മഹാസമാധി പ്രാപിച്ചു.
നാരായണ ഗുരുകുലത്തിന്റെ സ്ഥാപകനായ നടരാജഗുരു വിശ്വപ്രസിദ്ധ ശ്രീനാരായണ ദാര്ശനികനായാണ് അറിയപ്പെടുന്നത്. നടരാജഗുരുവിനുശേഷം അദ്ദേഹത്തിന്റെ ശിഷ്യനായ നിത്യചൈതന്യയതി നാരായണഗുരുകുലത്തിന് നേതൃത്വം നല്കി. മുനി നാരായണപ്രസാദ് സ്വാമികളാണ് നാരായണഗുരുകുലത്തിന്റെ ഇപ്പോഴത്തെ സാരഥി.
9446152044
