പയ്യന്നൂര്: ആര്എസ്എസ് പ്രവര്ത്തകരുടെ വീടുകള്ക്ക് നേരെ പോലീസ് ആക്രമണം. രാമന്തളിയിലെ ആര്എസ്എസ് പ്രവര്ത്തകരായ അരുമാട് രവി, വടക്കേ പുരയില് ശ്രീധരന് എന്നിവരുടെ വീടുകള്ക്ക് നേരെയാണ് പരിയാരം എസ്ഐയുടെ നേതൃത്വത്തിലുളള പോലീസ് സംഘം വീടുകളില് അതിക്രമം നടത്തിയത്. ഇന്നലെ പുലര്ച്ചെ രണ്ടു മണിയോടെയായിരുന്നു അക്രമം. വീട്ടിലുള്ളവര്ക്ക് നേരെ അസഭ്യംവര്ഷം നടത്തിക്കൊണ്ടാണ് പോലീസ് സംഘം അക്രമണം നടത്തിയത്. വീടുകളുടെ വാതില് ചവിട്ടിപൊളിക്കാന് ശ്രമിച്ച പോലീസുകാര് വീടിന്റെ ജനല് ചില്ലുകള് തകര്ത്തു. മുറ്റത്തു നിര്ത്തിയിട്ട വാഹനങ്ങള് കേടുവരുത്തുകയും ചെയ്തു.
ബിജെപി നേതാക്കളായ പി.ബാലകൃഷ്ണന്, എം.കെ.മുരളി, ഗംഗാധരന് കാളീശ്വരം, തമ്പാന് തവിടിശ്ശേരി, എം.നാരായണന് എന്നിവര് അക്രമം നടന്ന വീടുകള് സന്ദര്ശിച്ചു. ബിജെപീ പയ്യന്നൂര് മണ്ഡലം കമ്മറ്റിയുടെ നേതൃത്വത്തില് പരിയാരം പോലീസ് സ്റ്റേഷനിലേക്ക് മാര്ച്ച് നടത്തി. മാര്ച്ചില് നൂറു കണക്കിനാളുകള് പങ്കെടുത്തു . ധര്ണ്ണ ബിജെപി ജില്ലാ ഉപാധ്യക്ഷ ആനിയമ്മ രാജേന്ദ്രന് ഉദ്ഘാടനം ചെയ്തു. എ.പി.ഗംഗാധരന്, ബാലകൃഷ്ണന് മാസ്റ്റര് തുടങ്ങിയവര് പ്രസംഗിച്ചു. തുടര്ന്ന് നേതാക്കള് ഡിവൈഎസ്പിയുമായി നടത്തിയ ചര്ച്ചയില് കുറ്റക്കാര്ക്കെതിരെ നടപടിയെടുക്കുമെന്നും രാത്രികാലങ്ങളിലെ പോലീസ് തെരച്ചില് ഒഴിവാക്കുമെന്നും ഉറപ്പു നല്കി. ഗംഗാധരന് കാളീശ്വരം, ബാലകൃഷ്ണന് കോറോം, എം.മുരളി എന്നിവര് മാര്ച്ചിനും ധര്ണ്ണക്കും നേതൃത്വം നല്കി. പോലീസ് സ്റ്റേഷന് മുന്നില് വന് പോലീസ് സന്നാഹവും ഏര്പ്പെടുത്തിയിരുന്നു.
