ചങ്ങനാശേരി: താലൂക്ക് സഭയില് ഉന്നയിക്കുന്ന അടിയന്തിര പ്രാധാന്യമുള്ള വിഷയങ്ങള്ക്ക് നടപടി സ്വീകരിക്കാമെന്ന് ഉറപ്പു നല്കാറുണ്ടെങ്കിലും ഒരു നടപടിയും ഉണ്ടാകാറില്ലെന്ന് വികസന സമിതിയില് പരക്കെ ആക്ഷേപമുയര്ന്നു. മെയ് മാസത്തിലെ താലൂക്ക് സഭയില് എടുത്ത തീരുമാനങ്ങള് ഒന്നും നടപ്പിലാക്കിയിട്ടില്ലന്നാണ് അംഗങ്ങള് പരാതി ഉന്നയിച്ചത്. നഗരസഭ മാലിന്യ നീക്കത്തിലും മാലിന്യം തള്ളുന്നവര്ക്കെതിരെയും നടപടി സ്വീകരിക്കാതെ ഇരുട്ടില് തപ്പുകയാണെന്ന് പരക്കെ ആക്ഷേപമുണ്ട്.
നഗരസഭ ആരോഗ്യ വിഭാഗം മാലിന്യ സംസ്ക്കരണത്തിലും ശുചീകരണത്തിനും വേണ്ട പദ്ധതികള് നടപ്പാക്കാന് ശ്രമമൊന്നും നടത്താത്തതാണ് ഇപ്പോഴത്തെ ഗുരുതര സ്ഥിതി. മുന് കാലങ്ങളില് ഫാത്തിമാപുരം ഡംബിങ് യാര്ഡില് നിന്നും മാലിന്യം നീക്കം ചെയ്യുന്നതിന് ലക്ഷങ്ങളുടെ പദ്ധതികള് ആവിഷ്ക്കരിച്ചെങ്കിലും എല്ലാം അഴിമതിയില് കലാശിക്കുകയാണുണ്ടായത്. ഇതോടെ ഫാത്തിമാപുരം ഡംബിങ് യാര്ഡില് പ്ലാസ്റ്റിക്ക് ഉള്പ്പെടെ മാലിന്യക്കൂമ്പാരമായി മാറി. ഇത് ഡംബിങ് യാര്ഡിന്റെ പ്രവര്ത്തനം തടസപ്പെടുത്തി. അവിടെ കൂടുതല് മാലിന്യശേഖരം സംസ്ക്കരിക്കുന്നതിന് സാധ്യമാകാത്ത സ്ഥിതിവിശേഷവും സംജാതമായി. മഴക്കാലം തുടങ്ങിയതോടെ പൊതുനിരത്തില് ചപ്പുചവറുകള് തള്ളുന്നത് സാംക്രമിക രോഗങ്ങള് പടര്ന്നു പിടിക്കുമെന്നതിനാല് അടിയന്തിര നടപടി നഗരസഭ ആരോഗ്യ വിഭാഗം സ്വീകരിക്കണമെന്ന് വികസന സമിതി ആവശ്യപ്പെട്ടു.
