ഗ്രേറ്റര് നോയിഡ : ലൈംഗികമായി പിഡീപ്പിക്കാന് ശ്രമിക്കുന്നവരുടെ ജനനേന്ദ്രിയം മുറിച്ചുകളയണമെന്ന് ആന്ധ്രപ്രദേശ് വനിതാ കമ്മീഷന് ചെയര് പേഴ്സണ് നന്നപനേനി രാജകുമാരി.
പെണ്കുട്ടികളെല്ലാം എപ്പോഴും കത്തി കൈയില് കരുതേണ്ടതാണ്. ആരെങ്കിലും ബലാത്സംഗത്തിനു വിധേയയാക്കാന് ശ്രമിക്കുകയാണെങ്കില് അവരുടെ ജനനേന്ദ്രിയം മുറിച്ചു മാറ്റണമെന്ന് രാജകുമാരി അറിയിച്ചു.
കഴിഞ്ഞ ദിവസം യുപിയില് തജങ്കി ഗ്രാമത്തില് എട്ടു പേരടങ്ങുന്ന സംഘം കൂട്ട മാനഭംഗത്തിനു വിധേയയാക്കിയ രണ്ടുപെണ്കുട്ടികളെ വിശാഖപട്ടണത്തിലെ ആശുപത്രിയിലെത്തി സന്ദര്ശിച്ചശേഷമാണ് രാജകുമാരി ഇത്തരത്തില് പ്രസ്താവന നടത്തിയത്.
ഇവര്ക്കൊപ്പമുണ്ടായിരുന്ന ബന്ധുക്കളായ രണ്ട് ആണ്കുട്ടികുട്ടികളെ അക്രമികള് ആക്രമിക്കുകയും പെണ്കുട്ടികളെ സമീപത്തുള്ള സ്കൂള് കെട്ടിടത്തില് എത്തിച്ച് കൂട്ടബലാത്സംഗത്തിന് വിധേയരാക്കുകയായിരുന്നു. അക്രമികള് മൃഗങ്ങളോട് എന്ന പോലെയാണ് സ്ത്രീകളോട് പെരുമാറിയത്.
അടുത്തിടെ കേരളത്തില് സംഭവിച്ചത് പോലെ തന്നെ പെണ്കുട്ടികള് ഇത്തരക്കാരായ അക്രമികളോട് പരുമാറണം. അഞ്ചു വര്ഷത്തോളമായുള്ള ഉപദ്രവത്തെ തുടര്ന്നാണ് തിരുവനന്തപുരത്തെ നിയമ വിദ്യാര്ത്ഥിയായ പെണ്കുട്ടി സ്വാമിയുടെ ജനനേന്ദ്രിയം അറുത്തത്.
സംസ്ഥാന മുഖ്യമന്ത്രിയായ പിണറായി വിജയന് പോലും പെണ്കുട്ടിയുടേത് ധീരമായ പ്രവൃത്തി എന്നാണ് പ്രതികരിച്ചത്. സ്ത്രീകളുടെ ജീവിതത്തെ ഇത്തരത്തില് ദുരുപയോഗം ചെയ്യുന്നവരെ നിര്ഭയ നിയമത്തിനു കീഴില് കൊണ്ടുവന്ന് ശിക്ഷിക്കേണ്ടതാണെന്നും രാജകുമാരി കൂട്ടിച്ചേര്ത്തു.
