ന്യൂദല്ഹി: ഡ്രൈവിങ്ങ് ടെസ്റ്റ് പാസായി മൂന്നു ദിവസത്തിനുള്ളില് ലൈസന്സ് ഇനി ലഭ്യമാക്കുമെന്ന് കേന്ദ്രഗതാഗത മന്ത്രി നിതിന് ഗഡ്കരി. രാജ്യത്തെ ഡ്രൈവിങ്ങ് ലൈസന്സുകളില് 30 ശതമാനവും വ്യാജമാണെന്നും അദ്ദേഹം പറഞ്ഞു. ഇത് തടയാന് ലൈസന്സുകള്ക്ക് ഇനി ഇലക്ട്രോണിക് രജിസ്ട്രേഷന് നടപ്പാക്കും.
രാജ്യമൊട്ടാകെ 28 ഡ്രൈവിങ്ങ് പരീക്ഷാ കേന്ദ്രങ്ങള് തുറന്നു. ഇനി രണ്ടായിരം എണ്ണം കൂടി തുറക്കും. ട്രാഫിക് സിഗ്നലുകളില് കാമറകള് സ്ഥാപിക്കും. ഡ്രൈവിങ്ങ് ലൈസന്സുകളും വാഹന രജിസ്ട്രേഷനും ആധാറുമായി ബന്ധിപ്പിക്കാനും കേന്ദ്രം തീരുമാനിച്ചിട്ടുണ്ട്.
വെള്ളിയാഴ്ച മന്ത്രിസഭ പാസാക്കിയ ഗതാഗത നിയമത്തില് ഇത് ഉള്പ്പെടുത്തിയിട്ടുണ്ട്. രജിസ്ട്രേഷനും ലൈസന്സിനും ദേശീയ രജിസ്റ്റര് രൂപീകരിക്കാനും തീരുമാനിച്ചിട്ടുണ്ട്. ആധാറുമായി ഇതിനെ ബന്ധിപ്പിക്കുക കൂടി ചെയ്യുന്നതോടെ ഇതുവഴി ഒരാള് കള്ളപ്പേരില് മറ്റെവിടെങ്കിലും ലൈസന്സ് എടുക്കുന്നത് തടയാനും കഴിയും.
