കോഴിക്കോട്: കേരളത്തിലെ മാധ്യമപ്രവര്ത്തകര്ക്കായി കേസരി വാരിക ഏര്പ്പെടുത്തിയ 2016 ലെ മാധ്യമ പുരസ്കാരങ്ങള്ക്ക് അപേക്ഷ ക്ഷണിച്ചു. മുതിര്ന്ന പത്രപ്രവര്ത്തകര്ക്കായുള്ള രാഷ്ട്രസേവാ പുരസ്കാരത്തിനും യുവപത്രപ്രവര്ത്തകര്ക്കുള്ള രാഘവീയം പുരസ്കാരത്തിനുമാണ് അപേക്ഷ ക്ഷണിച്ചിട്ടുള്ളത്. രാഘവീയം പുരസ്കാരം ഈ വര്ഷം അച്ചടിമാധ്യമ രംഗത്തുള്ളവര്ക്കാണ് നല്കുന്നത്.
പത്രപ്രവര്ത്തന രംഗത്തെ സമഗ്രസംഭാവന പരിഗണിച്ച് മുതിര്ന്ന് പത്രപ്രവര്ത്തകര്ക്കായി നല്കുന്ന രാഷ്ട്രസേവാപുരസ്കാരം അരലക്ഷം രൂപയും ശില്പവും പ്രശസ്തി പത്രവും അടങ്ങുന്നതാണ്. പത്രപ്രവര്ത്തനരംഗത്ത് ചുരുങ്ങിയത് ഇരുപത് വര്ഷത്തെ പ്രവര്ത്തനപരിചയമുള്ളവരെയാണ് പരിഗണിക്കുക. പുരസ്കാരത്തിന് പരിഗണിക്കേണ്ട വ്യക്തിയുടെ പേരും വിശദവിവരങ്ങളും പത്രസ്ഥാപനങ്ങള്ക്കോ വ്യക്തികള്ക്കോ സാംസ്കാരിക സംഘടനകള്ക്കോ നിര്ദ്ദേശിക്കാം.
അച്ചടിമാധ്യമരംഗത്തെ യുവപ്രതിഭകളെ കണ്ടെത്തി പ്രോത്സാഹിപ്പിക്കാന് ഉദ്ദേശിച്ചുള്ള രാഘവീയം പുരസ്കാരം 25,000 രൂപയും പ്രശസ്തിപത്രവും ശില്പവും അടങ്ങുന്നതാണ്. 35 വയസ്സുവരെയാണ് അപേക്ഷിക്കാനുള്ള പ്രായപരിധി. 2015-16 വര്ഷത്തിന്നിടയില് പത്ര-മാസിക-വാരികകളില് പ്രസിദ്ധീകരിച്ച സമൂഹത്തിലെ പാര്ശ്വവത്ക്കരിക്കപ്പെട്ടവരുടെ പ്രശ്നങ്ങളെക്കുറിച്ചുള്ള ഫീച്ചര്, വാര്ത്താലേഖനപരമ്പര എന്നിവയാണ് പുരസകാരത്തിന് പരിഗണിക്കുക. പ്രസിദ്ധീകരിച്ച മാറ്ററിന്റെ മൂന്നുകോപ്പികളോടൊപ്പം ബയോഡാറ്റ, പ്രവൃത്തിപരിചയം ഇവ തെളിയിക്കുന്ന സ്ഥാപനത്തിന്റെ രേഖ എന്നിവയും അപേക്ഷയോടൊപ്പം നല്കണം.
പുരസ്കാരങ്ങള്ക്കുള്ള നാമനിര്ദ്ദേശങ്ങളും അപേക്ഷകളും കണ്വീനര്, രാഷ്ട്രസേവാ-രാഘവീയം പുരസ്കാരം കേസരി വാരിക, പി.ഒ.ചാലപ്പുറം, കോഴിക്കോട് 673 002, ഫോണ് 0495 2300444/23004777 എന്ന വിലാസത്തില് 2017 മെയ് 30 നകം ലഭിക്കണം.
