എല്ഡിഎഫ് സ്ഥാനാര്ത്ഥി എം.ബി.ഫൈസലിന്റെ പച്ച നിറത്തിലുള്ള പ്രചാരണ ബോര്ഡുകളിലൊന്ന്
മലപ്പുറം: ഉപതെരഞ്ഞെടുപ്പ് നടക്കുന്ന മലപ്പുറം ലോക്സഭ മണ്ഡലത്തിലെ വോട്ടര്മാര് ആശയകുഴപ്പത്തിലാണ്. പോസ്റ്ററിന്റെ നിറം നോക്കി പാര്ട്ടിയെ തിരിച്ചറിയാന് പറ്റാത്ത അവസ്ഥ. മുസ്ലീം ലീഗിന്റെ പച്ചയെ വെല്ലുന്ന പച്ച നിറവുമായാണ് സിപിഎം രംഗത്തെത്തിയിരിക്കുന്നത്.
ചുറ്റിക അരിവാള് നക്ഷത്രം അടയാളത്തില് വോട്ടുതേടുന്ന എല്ഡിഎഫ് സ്ഥാനാര്ത്ഥി എം.ബി.ഫൈസലിന്റെ പച്ചനിറത്തിലുള്ള പോസ്റ്ററുകള് മണ്ഡലത്തിന്റെ മുക്കുംമൂലയും കയ്യടക്കി. ഇത് കാണുമ്പോള് മണ്ഡലത്തിലെ മുതിര്ന്ന വോട്ടര്മാര് പഴയൊരു ഹാസ്യമുദ്രവാക്യം ഓര്ത്തെടുക്കുകയാണ് ‘പച്ച ചെങ്കൊടി പാറട്ടെ’.
മലപ്പുറത്ത് എല്ഡിഎഫും യുഡിഎഫും ഒത്തുകളിക്കുകയാണെന്ന് ബിജെപി അടക്കമുള്ളവര് നേരത്തെ ആരോപിച്ചിരുന്നു. കഴിഞ്ഞ ദിവസം മലപ്പുറത്തെത്തിയ കോണ്ഗ്രസ് നേതാവ് കെ.മുരളീധരന് ഇത് വ്യക്തമാക്കുകയും ചെയ്തു. ബിജെപിയെ പ്രതിരോധിക്കാന് ഏത് വഴിയും തെരഞ്ഞെടുക്കും. ബിജെപിക്കെതിരെ എല്ലാവരും കൈകോര്ക്കേണ്ട സമയമായി. അതിന്റെ തുടക്കമാണ് മലപ്പുറത്ത് – മുരളീധരന് പറഞ്ഞു.
