കോഴിക്കോട്: സംസ്ഥാനത്തെ ഫയര് ഫോഴ്സ് വകുപ്പ് മതിയായ സൗകര്യങ്ങളില്ലാതെയാണ് പ്രവര്ത്തിക്കുന്നതെന്നും അവ ആധുനികവല്ക്കരിക്കണമെന്നും ഫയര് ഫോഴ്സ് ഡിജിപി എ.ഹേമചന്ദ്രന് പറഞ്ഞു. കേരള ഫയര് ഫോഴ്സ് ഓഫീസേഴ്സ് അസോസിയേഷന് ഉത്തര മേഖല സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ആധുനികവല്ക്കരിക്കുന്നതോടൊപ്പം ഫയര് ഫോഴ്സ് റിസേര്ച്ച് വിങ്ങ് ആരംഭിക്കണം. ദേശീയതലത്തില് തന്നെ ഈ വിഭാഗത്തിലെ ഗവേഷണം ഏറെ മുന്നേറേണ്ടതുണ്ട്. അക്കാദമികള് കേന്ദ്രീകരിച്ച് ഫയര് ആന്ഡ് റസ്ക്യൂ – റിസര്ച്ച് സെന്റര് സ്ഥാപിച്ചാല് ഭാവിയില് അതിന് ഏറെ സാധ്യത ഉണ്ടാവും. ഡിപ്പാര്ട്ട്മെന്റിന്റെ ആധുനികവല്ക്കരണം അത്യന്താപേഷിതമാണ്.
ആധുനിക ഉപകരണങ്ങളുടെ സഹായമില്ലാതെയാണ് നിലവില് പ്രവര്ത്തനം. അത് ഏറെ പ്രയാസകരമാണ്. കൂടാതെ ഉദ്യോഗസ്ഥര്ക്ക് ആധുനികമായ പരിശീലനം സംസ്ഥാനത്തിനകത്ത് തന്നെ നല്കാന് കഴിയണം. സംസ്ഥാനം നേരിടുന്ന മറ്റൊരു വെല്ലുവിളി ഫയര്സ്റ്റേഷനുകളുടെ അപര്യാപ്തതയാണ്. ബജറ്റില് നാലഞ്ചെണ്ണം സ്ഥിരമായി പ്രഖ്യാപിക്കുന്നുണ്ട്.
നിലവിലുള്ളതിന്റെ രണ്ടിരട്ടി സ്റ്റേഷന് സംസ്ഥാനത്തിന് ആവശ്യമുണ്ടെന്നും അദ്ദേഹം പറഞ്ഞു.
സി. ബാബുരാജന് അദ്ധ്യക്ഷത വഹിച്ചു. അരുണ് അല്ഫോണ്സ്, അരുണ് കുമാര്, അരുണ് ഭാസ്കര്, കെ.പി. ബാബുരാജ്, ഷജില് കുമാര് തുടങ്ങിയവര് സംസാരിച്ചു.
