ബംഗളൂരു: നഗത്തില് പ്രവര്ത്തിക്കുന്ന അനധികൃത അറവുശാലകള് പൂട്ടാന് കോര്പറേഷന് ഒരുങ്ങുന്നു. ഇതിന്റെ ഭാഗമായി നഗരത്തിലെ അനധികൃത അറവുശാലകളില് പരിശോധനകള് നടത്തുമെന്നും കോര്പറേഷന് അധികൃതര് അറിയിച്ചു.
നഗരത്തില് പ്രവര്ത്തിക്കുന്ന 250 അനധികൃത അറവുശാലകളുടെ പട്ടികയാണ് കോര്പറേഷന് തയാറാക്കിയിരിക്കുന്നത്. അനധികൃത അറവുശാലകളില് പരിശോധനകള് നടത്തുവാന് പ്രത്യേക സംഘത്തെ നിയോഗിച്ചതായും ഉടന്തന്നെ അറവുശാലകളില് പരിശോധനകള് നടത്തുമെന്നും അധികൃതര് പറഞ്ഞു.
നേരത്തെ ഉത്തര്പ്രദേശില് മുഖ്യമന്ത്രി യോഗി ആദിത്യനാഥിന്റെ നേതൃത്വത്തിലുള്ള സര്ക്കാര് അനധികൃതമായി പ്രവര്ത്തിച്ചിരുന്ന അറവുശാലകള് അടച്ചു പൂട്ടിയിരുന്നു.
