പൂനെ: ലോകത്തെ മികച്ച നായകന് എം.എസ്. ധോണിയാണെന്ന് അജിന്ക്യ രഹാനെ. ക്യാപ്റ്റന്സി പോയെങ്കിലും ഒട്ടെറെ ക്രിക്കറ്റ് താരങ്ങള്ക്ക് ഇപ്പോഴും ധോണിയാണ് നായകനെന്ന് രഹാനെ പറഞ്ഞു.
ഓസ്ട്രേലിയന് നായകന് സ്റ്റീവ് സ്മിത്തിന്റെ കീഴില് കഴിഞ്ഞ ദിവസം ഐപിഎല്ലില് റൈസിംഗ് പൂനെ സൂപ്പര് ജയന്റ്സിനായി മത്സരിക്കാനിറങ്ങിയ ധോണി വിക്കറ്റിന് പിന്നില് മികച്ച പ്രകടനമാണ് കാഴ്ചവെച്ചത്. ധോണിയുടെ പ്രകടനത്തെ രഹാനെ പുകഴ്ത്തി.
മത്സരത്തില് ധോണി സ്മിത്തിന് ഉപദേശം കൊടുക്കുന്നത് കാണാമായിരുന്നു. സ്മിത്ത് ഓസ്ട്രേലിയയ്ക്കുവേണ്ടി മികച്ചപ്രകടനം കാഴ്ചവെയ്ക്കുന്നുണ്ട്. എന്നിരുന്നാലും എനിക്ക് ഇപ്പോഴും ധോണിയാണ് മികച്ച നായകനെന്ന് രഹാനെ വ്യക്തമാക്കി.
ധോണിയില് നിന്ന് സ്മിത്ത് അറിവ് സമ്പാദിക്കുകയാണ്. മത്സരത്തില് പലപ്പോഴും സ്മിത്ത് ധോണിയില് നിന്ന് ഉപദേശം തേടിയിരുന്നു. അടുത്ത മത്സരങ്ങളിലും സ്മിത്ത് കൂടുതല് ഉപദേശങ്ങള് തേടുമെന്നാണ് പ്രതീക്ഷയെന്ന് രഹാനെ വെളിപ്പെടുത്തി.
കഴിഞ്ഞ സീസണില് ഐപിഎല്ലില് ധോണിയാണ് റൈസിംഗ് പൂനെ സൂപ്പര് ജയന്റ്സിനെ നയിച്ചത്. ഇത്തവണ ധോണിക്കു പകരം സ്മിത്തിനെ നായകനാക്കി.
കഴിഞ്ഞ ദിവസം നടന്ന മത്സരത്തില് അവര് മുംബൈ ഇന്ത്യന്സിനെ ഏഴു വിക്കറ്റിന് തോല്പ്പിച്ചു. നായകന് സ്മിത്തും രഹാനെയും രണ്ടാം വിക്കറ്റ് കൂട്ടുകെട്ടില് 58 റണ്സ് നേടി. രഹാനെ അറുപതു റണ്സിന് പുറത്തായി. സ്മിത്ത് 84 റണ്സുമായി പുറത്താകാതെ നിന്നു.
