കൊച്ചി: ഇന്ത്യന് സൂപ്പര് ലീഗിന്റെ ഗ്രാസ് റൂട്ട് ഡെവലപ്പ്മെന്റ് പ്രോഗ്രാമായ യങ് കാമ്പസിലേക്കുള്ള സംസ്ഥാന സെലക്ഷന് പൂര്ത്തിയായി. കേരള ബ്ലാസ്റ്റേഴ്സിന്റെ സഹകരണത്തോടെ വിവിധ സ്കൂളുകളില് നിന്നും അക്കാദമികളില് നിന്നും തെരഞ്ഞെടുക്കപ്പെട്ട 11 മുതല് 14 വയസു വരെ പ്രായമുള്ള 60 താരങ്ങള്ക്കായിരുന്നു ഇന്നലെ എറണാകുളം അംബേദ്ക്കര് സ്റ്റേഡിയത്തില് സെലക്ഷന് ക്യാമ്പ് നടന്നത്. ഇതില് നിന്ന് 15 പേരെ അടുത്ത മാസം മുംബൈയില് നടക്കുന്ന ദേശീയ തല ക്യാമ്പിലേക്ക് തെരഞ്ഞെടുത്തു.
ഇവരുടെ പേരു വിവരങ്ങള് 16ന് പ്രഖ്യാപിക്കും. ഹോളണ്ടില് നിന്നുള്ള മാര്ക്കസ് മൈക്കിള് വെയ്സന്, പെറ്റ് ഹബേഴ്സ് എന്നിവരായിരുന്നു സെലക്ഷന് ക്യാമ്പിന് നേതൃത്വം നല്കിയത്.
ഇന്ത്യയിലെ വിവിധ ഭാഗങ്ങളില് നിന്ന് തെരഞ്ഞെടുക്കപ്പെട്ടവരാണ് ദേശീയ ക്യാമ്പില് പങ്കെടുക്കുക. ഇവിടെ നിന്ന് തെരഞ്ഞെടുക്കപ്പെടുന്നവര്ക്ക് സ്ക്കോളര്ഷിപ്പോടെ റിലയന്സ് ഫൗണ്ടേഷന്റെ യങ് കാമ്പ്സ് അക്കാദമിയില് കളി പഠിക്കാന് അവസരം ലഭിക്കും.
താരങ്ങളുടെ വിദ്യാഭ്യാസം ഉള്പ്പെടെയുള്ള മുഴുവന് ചെലവുകളും അക്കാദമി വഹിക്കും. ആകെ 24 കുട്ടികള്ക്കാണ് റസിഡന്ഷ്യല് സ്കോളര്ഷിപ്പിന് അവസരം ലഭിക്കുക. കഴിഞ്ഞ വര്ഷം കേരളത്തില് നിന്നുള്ള മൂന്ന് താരങ്ങള്ക്ക് ദേശീയ തലത്തില് തെരഞ്ഞെടുക്കപ്പെട്ടിരുന്നു. ഭാവിയിലെ ഫുട്ബോള് താരങ്ങളെ വാര്ത്തെടുക്കുക എന്ന ലക്ഷ്യത്തോടെയാണ് റിലയന്സ് ഫൗണ്ടേഷന് ഐഎസ്എല് ഫ്രാഞ്ചൈസികള് വഴി ഗ്രാസ് റൂട്ട് ഡവലപ്പ്മെന്റ് പ്രോഗ്രാം നടപ്പാക്കുന്നത്.
