മുംബൈ: സണ്റൈസേഴ്സ് ഹൈദരാബാദിനെതിരായ മത്സരത്തില് മുംബൈ ഇന്ത്യന്സിന് ജയിക്കാന് 159 റണ്സ് വേണം. ഇന്നലെ ആദ്യം ബാറ്റ് ചെയ്ത സണ്റൈസേഴ്സ് നിശ്ചിത 20 ഓവറില് എട്ട് വിക്കറ്റ് നഷ്ടത്തില് 158 റണ്സെടുത്തു.
മൂന്നുപേര് മാത്രം രണ്ടക്കം കടന്ന സണ്റൈസേഴ്സ് ഇന്നിങ്സില് 34 പന്തില് നിന്ന് 7 ഫോറും രണ്ട് സിക്സുമടക്കം 49 റണ്സെടുത്ത ഡേവിഡ് വാര്ണര് ടോപ് സ്കോറര്. 43 പന്തില് നിന്ന് ശിഖര് ധവാന് 48 റണ്സെടുത്തു. ബെന് കട്ടിങ്ങ് 20 റണ്സുമെടുത്തു. ഒന്നാം വിക്കറ്റില് 10.2 ഓവറില് ധവാനും വാര്ണറും ചേര്ന്ന് 81 റണ്സ് കൂട്ടിച്ചേര്ത്തു. ഇരുവരും പുറത്തായശേഷം ക്രീസിലെത്തിയവര്ക്കൊന്നും മികച്ച പ്രകടനം നടത്താന് കഴിയാതിരുന്നതാണ് ഹൈദരാബാദിന് തിരിച്ചടിയായത്.
യുവരാജ് അഞ്ച് റണ്സെടുത്തും ഹൂഡയും നമന് ഓജയും 9 റണ്സെടുത്തും പുറത്തായി. മുംബൈക്കായി ജസ്പ്രീത് ബുംറ മൂന്നും ഹര്ഭജന് സിങ് രണ്ടും വിക്കറ്റുകള് വീഴ്ത്തി.
