മുംബൈ: അവസാന ഓവര് വരെ ആവേശം നിറഞ്ഞു നിന്ന മത്സരത്തില് മുംബൈ ഇന്ത്യന്സിന് വിജയം. വാങ്കഡേ സ്േറ്റഡിയത്തില് ഇന്നലെ അവര് ആറുവിക്കറ്റിന് ഗുജറാത്ത് ലയണ്സിനെ തോല്പ്പിച്ചു.ഐപിഎല്ലില് മുംബൈ ഇന്ത്യന്സിന്റെ തുടര്ച്ചയായ നാലാം വിജയമാണിത്.നിതീഷ് റാണയും (53) പൊളളാര്ഡുമാണ് (39)വിജയമൊരുക്കിയത്.
177 റണ്സിന്റെ വിജയലക്ഷ്യത്തിനായി ബാറ്റേന്തിയ മുംബൈ ഇന്ത്യന്സ് 19.3 ഓവറില് നാലു വിക്കറ്റ് നഷ്ടത്തില് ലക്ഷ്യം കണ്ടു.
ആദം ബാറ്റുചെയ്ത ഗുജറാത്ത് ലയണ്സ് 20 ഓവറില് നാലു വിക്കറ്റിന് 176 റണ്സ് എടുത്തു.
റാണ 36 പന്തില് 53 റണ്സ് സ്വന്തമാക്കി.നാലു ഫോറും രണ്ട് സിക്സറും ഉള്പ്പെട്ട ഇന്നിംഗ്സ്.റാണയാണ് കളിയിലെ കേമന്.
അടിച്ചുതകര്ത്ത പൊളളാര്ഡ് 23 പന്തില് രണ്ടുഫോറും മൂന്ന് സിക്സറും പൊക്കി 39 റണ്സ് നേടി. നായകന് രോഹിത് ശര്മ 29 പന്തില് മൂന്ന് ഫോറും ഒരു സിക്സറും ഉള്പ്പെട 40 റണ്സ് നേടി പുറത്താകാതെ നിന്നു.
ഓപ്പണര് പട്ടേല് പൂജ്യത്തിന് പുറത്തായെങ്കിലും ബട്ട്ലറും റാണയും പിടിച്ചുനിന്നു.രണ്ടാം വിക്കറ്റില് ഇവര് 84 റണ്സ് നേടി.റാണയും ബട്ട്ലറും (26) പുറത്തായതോടെ മുംബൈയുടെ നില പരുങ്ങലിലായി.പക്ഷെ പൊളളാര്ഡ് രോഹിത് ശര്മയ്ക്കൊപ്പം നിലയുറപ്പിച്ചതോടെ മുംബൈ ജയത്തിലേക്ക് നീങ്ങി.നാലാം വിക്കറ്റില് ഇവര് 68 റണ്സ് കൂട്ടിചേര്ത്തു.ജയത്തിന് 17 റണ്സ് അകലെവച്ച് പൊളളാര്ഡ് വീണു.പിന്നീടെത്തിയ പാണ്ഡെയും മൊത്ത് രേഹിത് ശര്മ ടീമിനെ വിജയത്തിലേക്ക് നയിച്ചു.
ബാറ്റിംഗിനയക്കപ്പെട്ട ഗുജറാത്ത് ലയണ്സ് ബ്രന്ഡന് മക്കല്ലത്തിന്റെയും ദിനേശ് കാര്ത്തിന്റെയും മികവിലാണ് 176 റണ്സ് എടുത്തത്. അടിച്ചുതകര്ത്ത മക്കല്ലം 44 പന്തില് മൂന്ന് സിക്സറും ആറു ഫോറുമുള്പ്പെടെ 64 റണ്സ് നേടി.ദിനേശ് കാര്ത്തിക് 26 പന്തില് രണ്ടു ഫോറും രണ്ടു സിക്സറും പൊക്കി 48 റണ്സുമായി കീഴടങ്ങാതെ നിന്നു.
ഗുജറാത്ത് ലയണ്സിന്റെ തുടക്കം പാളി.ഓപ്പണര് സ്മിത്ത് സംപൂജ്യനായി മടങ്ങി.ആദ്യ വിക്കറ്റ് വീഴുമ്പോള് സ്കോര് ബോര്ഡില് ഒരു റണ്സ്മാത്രം.പിന്നീടിറങ്ങിയ റെയ്നയുമൊത്ത് മക്കല്ലം സ്കോര് ഉയര്ത്തി. രണ്ടാം വിക്കറ്റില് ഇവര് 81 റണ്സ് കൂട്ടിചേര്ത്തു.റെയ്നയെ വീഴ്്ത്തി ഹര്ഭജന് സിംഗാണ് ഈ കൂട്ടുകെട്ട് തകര്ത്തത്.റെയ്നയ്ക്ക് പിറകെ മക്കല്ലവും മടങ്ങി.മലിംഗയുടെ പന്തില് ക്ലീന് ബൗള്ഡായി.മൂന്ന് വിക്കറ്റു വീഴുമ്പോള് സ്കോര് 99 റണ്സ്. ഇഷാന് കിഷനും ദിനേശ് കാര്ത്തിക്കും നിലയുറപ്പിച്ചതോടെ സ്കോര് ഉയര്ന്നു.നാലാം വിക്കറ്റില് ഇവര് 54 റണ്സിന്റെ കൂട്ടുകെട്ടുണ്ടാക്കി
