ആലപ്പുഴ: വിദ്യാഭ്യാസ റീജണല് ഡെപ്യൂട്ടി ഡയറക്ടര് ഓഫീസിലെ ജീവനക്കാര് അദ്ധ്യാപക സംഘടനാ നേതാക്കള്ക്കെതിരെ നല്കിയ പരാതി വനിതാ കമ്മിഷന് സിറ്റിങ്ങില് പരിഗണനയ്ക്ക് വന്നു. അദ്ധ്യാപകന്റെ അപ്പീല് വൈകിക്കുന്നു എന്നാരോപിച്ച് നേതാക്കള് ഓഫീസില് കടന്നുചെന്ന് ഭീഷണിപ്പെടുത്തിയതായി പരാതിയില് പറയുന്നു. എന്നാല് കാലതാമസം വരുത്തിയത് മനഃപൂര്വമാണെന്ന് നേതാക്കള് ആരോപിച്ചു. ഈ സാഹചര്യത്തില് വിശദമായ പരിശോധനയ്ക്ക്ശേഷം റിപ്പോര്ട്ട് നല്കാന് ഹയര്സെക്കന്ഡറി ഡയറക്ടറോട് ആവശ്യപ്പെട്ടു.
കേരളത്തിലെ കുടുംബബന്ധങ്ങള് നീര്ക്കുമിളപോലെ പൊട്ടിത്തകരുന്ന സാഹചര്യം ഗൗരവതരമാണെന്നും കമ്മിഷന് ഇക്കാര്യത്തില് ആശങ്കയുണ്ടെന്നും വനിതാകമ്മിഷന് ആംഗം ഡോ. ജെ പ്രമീളാ ദേവി പറഞ്ഞു.
സഹോദരങ്ങള് തമ്മിലുള്ള വഴക്ക് പരിഹരിക്കണമെന്നാവശ്യപ്പെട്ട് 85, 87 വയസ്സുള്ള മാതാപിതാക്കള് നല്കിയ പരാതി പരിഗണിക്കുകയായിരുന്നു കമ്മിഷന്.
വൃദ്ധയായ മാതാപിതാക്കളെക്കൊണ്ട് പൊറുതിമുട്ടിയ മക്കളും പരാതിയുമായി എത്തി. കായംകുളം സ്വദേശിയായ യുവതി കഴിഞ്ഞ അദാലത്തില് എത്തി അയല്വാസിയുടെ ദുഷ്ചെയ്തികള്ക്കെതിരെ പരാതി നല്കിയപ്പോള് എതിര്കക്ഷി തീര്ത്തും തെറ്റായ ആരോപണങ്ങള് ഉന്നയിച്ചത് മാനസികമായി ഏറെ ബുദ്ധിമുട്ടിച്ചതായി കമ്മിഷന് മുന്നില് പറഞ്ഞു.
90 കേസുകള് അദാലത്തില് പരിഗണിച്ചു. നാല്പത്തിയേഴ് കേസുകള്പരിഹരിച്ചു. 13 കേസുകളില് പോലീസിന്റെയും ആര്ഡിഒയുടെയും റിപ്പോര്ട്ട് തേടി. 30 കേസുകള് അടുത്ത അദാലത്തിലേക്ക് മാറ്റി.
