മാഡ്രിഡ് : ലാ ലീഗയില് കീരടിത്താനായുളള പോരാട്ടം ഫോട്ടോഫനിഷിലേക്ക്. തകര്പ്പന് വിജയങ്ങളുമായി ബാഴ്സലോണയും റയല് മാഡ്രിഡും തലപ്പത്ത് തുടരുകയാണ്.റയല് ഒന്നിനെതിരേ നാലു ഗോളുകള്ക്ക് സെവിയ്യയെ തോല്പ്പിച്ചപ്പോള് ബാഴ്സലോണ അതേ സ്കോറിനു തന്നെ ലാസ് പാമസിനെ പരാജയപ്പെടുത്തി.ഇതോടെ കിരിടത്തിനായുളള പോരാട്ടം ലീഗിലെ ഈ സീസണിലെ അവസാന മത്സരത്തിലേക്ക് നീണ്ടു.
ഈ വിജയങ്ങളോടെ ബാഴ്സലോണയും റയല് മാഡ്രിഡും 87 പോയന്റുമായി ഒന്നാം സ്ഥാനത്ത് ഒപ്പത്തിനൊപ്പം നില്ക്കുകയാണ്.എന്നിരുന്നാലും റയലിന് കിരീടം നേടാന് സാധ്യത കൂടുതലാണ്.അവര്ക്ക് ഇനി രണ്ടു മത്സരങ്ങള് കൂടിയുണ്ട്.ബുധനാഴ്ച അവര് സെല്റ്റയെയും അവസാന മത്സരത്തില് മലാഗയെയും നേരിടും.അതേസമയം ബാഴ്സലോണയ്ക്ക് ഇനി ഒരു മത്സരം മാത്രമാണ് ശേഷിക്കുന്നത്.ഈ സീസണിലെ ലീഗിലെ അവസാനമത്സരം അരങ്ങേറുന്ന ഞായറാഴ്ച അവര് ഐബാറിനെ നേരിടും.ലാ ലീഗിലെ ജേതാക്കളെ അന്നറിയാനാകും.
നെയ്മറുടെ ഹാട്രിക്കിലാണ് ബാഴ്സലോണ ലാസ് പാമസിനെ തോല്പ്പിച്ചത്. മെസിയും സുവാരസും നെയ്മറും അടങ്ങുന്ന മുന്നേറ്റനിര തുടക്കം മുതലെ ലാസ് പാമസിനെ സമ്മര്ദ്ദത്തിലാഴ്ത്തി.ഇടവേളയ്ക്ക് മുമ്പ് രണ്ടു ഗോളും നേടി മുന്നില് കയറി.
സെര്ജിയോ ബസ്ക്യൂറ്റ്സ്ും ആന്ദ്രെസ് ഇനീസ്റ്റയും സുവാരസു ചേര്ന്നു നടത്തിയ നീക്കമാണ് ആദ്യ ഗോളിന് വഴിവച്ചത്.സുവാരസ് നല്കിയ പാസ് നെയ്മര് ഗോള് വരി കടത്തി വിട്ടു.
രണ്ടു നിമിഷള്ക്കുശേഷം നെയ്മര് ചിപ്പ് ചെയ്തു നല്കിയ പന്ത് സുവാരസ് ഗോളാക്കി മാറ്റി.ഈ സീസണിലെ സുവാരസിന്റെ 36 ാം ഗോളിണിത്.ഇടവേളയ്ക്ക് ശേഷം പെഡ്രോ ബിഗാസ് ഒരു ഗോള് മടക്കി പ്രതീക്ഷ നല്കിയെങ്കിലും നെയ്മര് ഹാട്രിക്ക് നേടി ബാഴ്സലോണയെ വിജയത്തിലേക്ക് നയിച്ചു.ഇവാന് റാകിടിക്കിന്റെ ക്രോസില് തലവെച്ച് രണ്ടാം ഗോള് നേടിയ നെയ്മര് ജോര്ഡി അല്ബായുടെ പാസിലൂടെ മൂന്നാം ഗോളും കുറിച്ചു.
ക്രിസ്റ്റിയാനോ റൊണാള്ഡോയുടെ ഇരട്ട ഗോളിലാണ് റയല് മാഡ്രിഡ് സെവിയ്യക്കെതിരെ വിജയം നേടിയത് 23,78 മിനിറ്റുകളിലാണ് റൊണാള്ഡോ ഗോള് നേടിയത്. പത്താം മിനിറ്റില് നാച്ചോ റയലിനെ മുന്നിലെത്തിച്ചു.തുടര്ന്ന് റൊണാള്ഡോ ഗോള് നേടി.റയലിനായ റൊണാള്ഡോ നേടുന്ന നാനൂറാമത്തെ ഗോളാണിത്.രണ്ടാം പകുതിയുടെ തുടക്കത്തില് സെവിയ്യയുടെ
ജോവെറ്റിക് ഒരു ഗോള് മടക്കി. അവസാന പതിഞ്ചുമിനിറ്റില് റൊണാള്ഡോയും ക്രൂഗ്സും ഗോള് നേടി റയലിന് വിജയം സമ്മാനിച്ചു.
മറ്റൊരു മത്സരത്തില് റയല് ബെട്ടിസിനെ സമിനിലയില് തളച്ച അത്ലറ്റിക്കോ മാഡ്രിഡ് പോയിന്റു നിലയില് മൂന്നാം സ്ഥാനത്ത് തുടരുകയാണ്.സെവിയ്യയാണ് നാലാം സ്ഥാനത്ത്.
