ആർഎസ്എസ് പ്രവർത്തകന്റെ കൊലപാതകം; രണ്ടുപേർ പോലീസ്​ കസ്​റ്റഡിയിൽ

കണ്ണൂര്‍:ആ​ർ.​എ​സ്.​എ​സ് രാ​മ​ന്ത​ളി മ​ണ്ഡ​ൽ കാ​ര്യ​വാ​ഹ​ക് ചൂ​ര​ക്കാ​ട്ട് ബി​ജു കൊ​ല്ല​പ്പെ​ട്ട സം​ഭ​വ​ത്തി​ൽ രാമന്തളി സ്വദേശികളായ രണ്ടുപേർ പോലീസ്​ കസ്​റ്റഡിയിൽ. പ്രതികൾ സഞ്ചരിച്ച ഇന്നോവ കാർ വാടകക്കെടുക്കാൻ സഹായിച്ചയാളും കാറിന്റെ ഉടമയുമാണ്​​ പോലീസ്​ പിടിയിലായത്​. നേരത്തെ, പ്രതികൾ സഞ്ചരിച്ചിരുന്ന ഇന്നോവ കാർ പോലീസ്​ തിരിച്ചറിഞ്ഞിരുന്നു. കസ്​റ്റഡിയിലെടുത്തവർക്ക് ​കേസുമായി നേരിട്ടുബന്ധമില്ല. എന്നാൽ ആർക്ക്​വേണ്ടിയാണ്​ കാർ വാടകക്കെടുത്തതെന്ന്​ ഇവരിൽ നിന്ന്​ അറിയാൻ കഴിയുമെന്ന്​ പോലീസ്​ പറഞ്ഞു.

ഇന്നോവയിലെത്തിയ ഏഴംഗ സംഘമാണ്​ കൊലക്ക്​ പിന്നിലെന്നാണ്​ പോലീസ് ​പറയുന്നത്​. ബൈ​ക്കി​ൽ കാ​റി​ടി​പ്പി​ച്ച​ശേ​ഷം റോ​ഡ​രി​കി​ൽ വീ​ണ ബി​ജു​വി​നെ ര​ണ്ടു​പേ​ർ ചേ​ർ​ന്നാ​ണ് വെ​ട്ടി​യ​ത്. അ​ക്ര​മി​ക​ൾ സ​ഞ്ച​രി​ച്ച പ്ര​ദേ​ശ​ങ്ങ​ളി​ലെ ചി​ല സ്ഥാ​പ​ന​ങ്ങ​ളി​ൽ സ്ഥാ​പി​ച്ച സി.​സി.​ടി.​വി കാ​മ​റ​ക​ളി​ൽ കാ​റി​​​ൻറ ദൃ​ശ്യം പ​തി​ഞ്ഞിരുന്നു. ഇൗ ഏഴു പേരിൽ ഉൾപ്പെട്ടവരല്ല പിടയിലായത്​.

ഏ​താ​നും ദി​വ​സ​ങ്ങ​ളാ​യി ബി​ജു​വി​നെ ചി​ല​ർ നി​രീ​ക്ഷി​ക്കു​ന്ന​താ​യി സൂ​ച​ന ല​ഭി​ച്ചി​രു​ന്നു​വ​ത്രെ. ഇ​തേ​ത്തു​ട​ർ​ന്ന് മാ​റി താ​മ​സി​ക്കാ​ൻ മം​ഗ​ളൂ​രു​വി​ൽ ജോ​ലി ശ​രി​യാ​ക്കി തി​രി​ച്ചു​വ​രു​മ്പോ​ഴാ​ണ് കൊ​ല ചെ​യ്യ​പ്പെ​ട്ട​ത്.