ആലപ്പുഴ: ജില്ലയിലെ വിവിധ താലൂക്കുകളിലായി ജില്ലാ കളക്ടര് വീണ എന്. മാധവന്റെ നേതൃത്വത്തില് നടന്ന ആദ്യഘട്ട സേവനസ്പര്ശം പരിപാടി കാര്ത്തികപ്പള്ളിയില് ഇന്നലെ പൂര്ത്തിയായപ്പോള് ഇതുവരെ തീര്പ്പാക്കിയത് 10,607 പരാതികള്.
ആകെ ലഭിച്ച 12,925 അപേക്ഷകള് പരിഗണിച്ചപ്പോഴാണിത്. ഇന്നലെ നടന്ന കാര്ത്തികപ്പള്ളി താലൂക്ക് സേവനസ്പര്ശത്തില് 2644 അപേക്ഷകള് ലഭിച്ചു. അതില് 2117 അപേക്ഷകള്ക്ക് അപ്പോള് തന്നെ തീര്പ്പ് കല്പ്പിച്ചു.
ചികിത്സാ ധനസഹായത്തിനും ബിപിഎല് ആകാനും വീടും സ്ഥലവും ലഭിക്കാനുമുള്ള അപേക്ഷകളാണ് ജില്ലയുടെ വിവിധ ഭാഗങ്ങളില് നിന്ന് കൂടുതലും ലഭിച്ചത്. വകുപ്പുതല ഉദ്യോഗസ്ഥര് പരാതികളില് എടുത്ത തീരുമാനം നിശ്ചിത ദിവസത്തിനകം ജില്ലാ കളക്ടറെ അറിയിക്കും.
സേവനസ്പര്ശം വെബ്സൈറ്റില് തല്സമയ വിവരം അറിയാനും സംവിധാനമുണ്ട്.
