ശ്രീമന്നാരായണീയ സമര്പ്പണം ് ഗൗരി പാര്വ്വതീ ഭായി തമ്പുരാട്ടി നിര്വ്വഹിക്കുന്നു
അമ്പലപ്പുഴ: പാര്ത്ഥസാരഥിയുടെ മണ്ണില് മുപ്പത്തിനാലാമതു ഭാഗവത മഹാസത്രത്തിനു തുടക്കമായി. ലോക്സഭാ സ്പീക്കര് സുമിത്രാ മഹാജന് ഭദ്രദീപം കൊളുത്തി ഉദ്ഘാടനം നിര്വഹിച്ചു. ദക്ഷിണ കേരളത്തിന്റെ അമ്പാടിയായ അമ്പലപ്പുഴയിലെത്തിയ ലോക്സഭാ സ്പീക്കറെ വേലകളിയുടെ അകമ്പടിയോടെ എതിരേറ്റു.
വേദിയിലിരിക്കുന്ന വിശിഷ്ട വ്യക്തികളെ കേരളത്തിലെ എന്റെ സഹോദരീ സഹോദരന്മാരെ ദൈവത്തിന്റെ നാട്ടില് വരാന് കഴിഞ്ഞത് എന്റെ ജീവിതത്തിലെ വലിയ ഭാഗ്യമായി കരുതുന്നു എന്ന് മലയാളത്തിലാണ് ഉദ്ഘാടന പ്രസംഗത്തില് പറഞ്ഞത്. ഏത് തീര്ത്ഥത്തില് സ്നാനം ചെയ്താലും ഏത് ആശ്രമത്തില് പോയാലും ലഭിക്കാത്ത പവിത്രതയും പോസിറ്റീവ് എനര്ജിയും തരുന്നതാണ് ഭാഗവതം.
കാളിയമര്ദ്ദനമെന്നത് വിഷലിപ്തമായ സമൂഹത്തിലെ അനീതിക്കെതിരെയുള്ള നൃത്തമാണ്. പ്രകൃതിയെയും വ്യക്ഷങ്ങളെയും സ്നേഹിച്ചു സംരക്ഷിക്കണമെന്ന് മഹാഭാരതത്തില് പറയുന്നത് ആനുകാലിക പ്രസക്തിയുള്ളതാണെന്നും സുമിത്രാ മഹാജന് പറഞ്ഞു.
മന്ത്രി ജി. സുധാകരന് അദ്ധ്യക്ഷത വഹിച്ചു. സ്മരണികാപ്രകാശനം രാജ്യസഭാ ഉപാദ്ധ്യക്ഷന് പി.ജെ. കുര്യനും ഗ്രന്ഥസമര്പ്പണം മണി സ്വാമിക്കു നല്കി കേരള നിയമസഭാ സ്പീക്കര് ശ്രീരാമകൃഷ്ണനും നിര്വഹിച്ചു. ബിജെപി സംസ്ഥാന അദ്ധ്യക്ഷന് കുമ്മനം രാജശേഖരന്, കെ.സി. വേണുഗോപാല് എംപി, സുരേഷ്ഗോപി എംപി, വിജയന് പിള്ള, പ്രയാര് ഗോപാലകൃഷണന്, രാഹുല് ഈശ്വര് തുടങ്ങിയവര് സംസാരിച്ചു.
