ആലപ്പുഴ: കേരള വികസനത്തിന് സമഗ്ര പദ്ധതി തയ്യാറാക്കി നടപ്പാക്കുമെന്ന് മുന് ഐഎസ്ആര്ഒ ചെയര്മാനും എപിജെ അബ്ദുള് കലാം സെന്റര് ഫോര് ഡവലപ്മെന്റ് ചെയര്മാനുമായ ജി. മാധവന് നായര്. ആലപ്പുഴയില് വിവിധ മേഖലയിലെ വിദഗ്ദ്ധരുമായി ജില്ലയുടെ വികസനം സംബന്ധിച്ച നിര്ദ്ദേശങ്ങള് സ്വീകരിച്ച് സംസാരിക്കുകയായിരുന്നു അദ്ദേഹം.
ടൂറിസം, കാര്ഷിക മേഖലയിലെ പ്രശ്നങ്ങള് സമഗ്രമായി ചര്ച്ച ചെയ്തു. കയര് വ്യവസായം, കായികമേഖല, ശബരിമല തീര്ത്ഥാടനം, ആരോഗ്യമേഖല, ദാരിദ്ര്യ ലഘുകരണം, കുടിവെള്ളപ്രശ്നം തുടങ്ങിയ ജില്ല അഭിമുഖീകരിക്കുന്ന വികസന പ്രശ്നങ്ങള് സംബന്ധിച്ച് ഈ മേഖലയിലെ വിദഗ്ദ്ധര് മാധവന് നായരുമായി ആശയവിനിമയം നടത്തി.
വിഷന് കേരളയുടെ ഭാഗമായി സംസ്ഥാനത്തെ ജില്ലാആസ്ഥാനങ്ങളില് നടത്തുന്ന സെമിനാറിന്റെ ഭാഗമായാണ് ആലപ്പുഴയിലും പരിപാടി സംഘടിപ്പിച്ചത്. സെമിനാറിലുയര്ന്നുവന്ന വിഷയങ്ങള് ക്രോഡീകരിച്ച് പ്രധാനമന്ത്രിക്ക് സമര്പ്പിക്കും.
ബിജെപി ജില്ലാ പ്രസിഡന്റ് കെ. സോമന് സെമിനാര് ഉദ്ഘാടനം ചെയ്തു. പിഎസ്പി നേതാവ് കെ.കെ. പൊന്നപ്പന്, ഡി. അശ്വനിദേവ്, റിട്ട. സിഎഫ്ഒ ശിവകുമാര്, ഡോ. ഗോപാലകൃഷ്ണന്, പ്രൊഫ. കെ.ജി. പത്മകുമാര്, ഫാ. തോമസ് പീലിയാനിക്കല്, സി.ജി. ഗോപകുമാര്, ഡോ. റജി വര്ഗീസ്, കെ.ആര്. പ്രഭാകരന് നായര്, പെരുമാള് സുന്ദരം, ഡോ. നാഗേന്ദ്രപ്രഭു, ശൈലേന്ദ്രകുമാര്, പ്രൊഫ. ഉണ്ണികൃഷ്ണന്, എല്.പി. ജയചന്ദ്രന്, എം.വി.ഗോപകുമാര്, കെ.ജി. കര്ത്ത, ഡി. പ്രദീപ്, മോഹനന് തുടങ്ങിയവര് പങ്കെടുത്തു.
