തൊടുപുഴ: മുട്ടം പോളിടെക്നിക് മൈതാന വികസനവുമായി ഒരു പ്രവര്ത്തനങ്ങളും നടത്തുന്നില്ല. മൈതാനത്തിന് ആറ് ഏക്കറോളം വിസ്തൃതിയുണ്ട്. മുട്ടം ശങ്കരപ്പള്ളിയില് വാടക കെട്ടിടത്തില് പ്രവര്ത്തിച്ചിരുന്ന പോളിടെക്നിക് 1997 മുതലാണ് ഇവിടെ പ്രവര്ത്തനം ആരംഭിച്ചത്. ഈ കാലം മുതല് ഈ മൈതാനവും പോളിടെക്നിക്കിനോട് അനുബന്ധിച്ച് ഉണ്ടായിരുന്നു.
പോളിടെക്നിക്കില് പഠിയ്ക്കുന്ന വിദ്യാര്ത്ഥികള്ക്ക് മാത്രമല്ല ഇടുക്കി ജില്ലയിലെ കായിക താരങ്ങള്ക്ക് ആകമാനം പ്രയോജനം ലഭ്യമാകുമായിരുന്ന ഈ മൈതാനം ഇന്ന് നശിക്കുകയാണ്. ഏതാനും വര്ഷങ്ങള്ക്ക് മുമ്പ് മൈതാനത്തിന്റെ ചുറ്റിലും ഗ്യാലറിയും മറ്റ് അനുബന്ധ സൗകര്യങ്ങള്ക്കും ഒരുക്കാന് സര്ക്കാര് ഫണ്ട് അനുവദിച്ചിരുന്നു. മൈതാനത്തിന് ചുറ്റിലുമുള്ള മണ്ണുംപാറയും നീക്കം ചെയ്യുകയും രണ്ട് വശങ്ങളിലായി ഗ്യാലറിയുടെ നിര്മ്മാണം ആരംഭിയ്ക്കുകയും ചെയ്തു.
എന്നാല് അഴിമതി ആരോപണങ്ങളെ തുടര്ന്ന് നിര്മ്മാണ പ്രവര്ത്തനങ്ങള് സ്തംഭിച്ചു. ഗ്യാലറി നിര്മ്മാണത്തിന് വേണ്ടി മണ്ണ് മാറ്റിയ സ്ഥലം മഴ പെയ്യുമ്പോള് ഇടിഞ്ഞ് മൈതാനം ഇല്ലാതായിക്കൊണ്ടിരിയ്ക്കുകയാണ്. പോളിടെക്നികിലെ
പെണ്കുട്ടികളുടെ ഹോസ്റ്റല് നിര്മ്മാണവുമായി ബന്ധപ്പെട്ട് ഉണ്ടായ മണ്ണും പാറക്കഷ്ണങ്ങളും ഈ മൈതാനത്തിലാണ് നിക്ഷേപിച്ചിരിയ്ക്കുന്നത്. മഴ പെയ്ത് ഉണ്ടാകുന്ന വെള്ളം ഇല്ലാതാക്കാന് ആഴത്തിലുള്ള ഗര്ത്തവും ഉണ്ടാക്കിയിരിയ്ക്കുകയാണ്. മൈതാനത്തിന് ചുറ്റും കാലാകാലങ്ങളില് വൃത്തിയാക്കാത്തതിനാല് ഭയാനകമായ അന്തരീക്ഷമാണ്. പോളിടെക്നികിലെ പി.ടി.എ.ഫണ്ട് ഉപയോഗിച്ച് ഇവിടെ വൃത്തിയാക്കാന് ഒരു നിയമതടസ്സവുമില്ല. എന്നിട്ടും അധികാരികള് അതൊന്നും ശ്രദ്ധിക്കുന്നില്ല. ഗ്രൗണ്ടിന്റെ സമീപ പ്രദേശത്ത് ഈ അടുത്ത നാളിലാണ് പെരുമ്പാമ്പിനെ കണ്ടെത്തിയത്. പോളിടെക്നിക്ക് വിദ്യാര്ത്ഥികളുടെ കായിക മത്സരങ്ങളും ത്രിതല പഞ്ചായത്ത് നടത്തുന്ന കേരളോത്സവത്തിന്റെ ഭാഗമായിട്ടുള്ള കായിക മത്സരങ്ങളും മാത്രമേ ഈ ഗ്രൗണ്ടില് ഇപ്പോള് നടത്താറുള്ളൂ.
ഈ ഗ്രൗണ്ടിന്റെ വികസനവുമായി ബന്ധപ്പെട്ട് ദീര്ഘവീഷണത്തോടെയുള്ള വിശദമായ പ്രോജക്ട് ബബ
ന്ധപ്പെട്ട അധികാരികള് ഗവണ്മെന്റിന് സമര്പ്പിച്ചാല് ജില്ലയിലേയും സംസ്ഥാനത്തേയും കായികലോകത്തിന് ഏറെ പ്രയോജനം ലഭിയ്ക്കും.
