വികസനത്തെക്കുറിച്ച് ഭരണപക്ഷം മിണ്ടുന്നില്ല. അഴിമതിയെക്കുറിച്ച് പ്രതിപക്ഷവും നിശബ്ദം തദ്ദേശ തെരഞ്ഞെടുപ്പിന്റെ വാശികുട്ടുന്ന, അറിയേണ്ട പ്രധാന രണ്ട് ഘടകങ്ങളും ഇല്ലാതെയാണ് ജനം ഇത്തവണ വോട്ടിംഗിന് പോകുന്നത്.
പകരം കേരളവുമായി പുലബന്ധമില്ലാത്ത പോത്തിന്റെയും ചില പോത്തന്മാരുടേയും പേരില് ബഹളം വെയ്ക്കുകയായിരുന്നു ഇതുവരെ. അഴിമതിയും വികസനവും ചര്ച്ചയായല് നേട്ടം ബിജെപി ക്കാണ് എന്ന ഒറ്റക്കാര്യമാണ് ഈ ബഹളത്തിനു കാരണം. നരേന്ദ്രമോദിയുടെയും ബി.ജെ.പി.യുടെയും മഹത്വം കേരള ജനത ചര്ച്ച ചെയ്യാതിരിക്കാനും അറിയാതിരിക്കാനും വേണ്ടിയാണ് മനഃപൂര്വ്വം മറ്റ് വിഷയങ്ങളിലേക്ക് ശ്രദ്ധപിടിച്ചുകൊണ്ടുപോകുന്നത്. വിഷയമല്ലാത്തവയെ വിഷയങ്ങളാക്കി യഥാര്ത്ഥ വിഷയങ്ങളില്നിന്ന് ശ്രദ്ധമാറ്റിക്കൊണ്ടുപോകുന്ന നീചതന്ത്രം.”
യഥാര്ത്ഥ വസ്തുത ജനങ്ങള് തിരിച്ചറിയണം.
ഒന്നരക്കൊല്ലത്തെ മോദി ഭരണം കേരളത്തിന് എന്തു നല്കി എന്നതിന്റെ ചെറു വിവരണമാണ് ചുവടെ. ദേശിയ തലത്തില് നടപ്പാക്കുന്ന വന് പദധതികളിലുടെ കേരളത്തിനു കിട്ടുന്ന വിഹിതത്തിനു പുറമെയുള്ളവയാണിവ
- കേരളത്തിലെ ധനക്കമ്മി മറികടക്കാന് 10,000 കോടി
- കേരളത്തിലെ സ്വയംഭരണ സ്ഥാപനങ്ങള്ക്ക് 7681.96 കോടി.
- അടുത്ത അഞ്ച് വര്ഷത്തേയ്ക്ക് കേന്ദ്രനികുതിവിഹിതമായി ഒരു ലക്ഷംകോടി
- കൊച്ചി കപ്പല്ശാലയ്ക്ക് 3400 കോടിയുടെ വികസനപദ്ധതികള്
- പാലക്കാട് കഞ്ചിക്കോട് റെയില് കോച്ച് ഫാക്ടറിക്കായി 144 കോടി
- ആലപ്പുഴ-കൊല്ലം ബൈപ്പാസ്സുകളുടെ പണി പൂര്ത്തിയാക്കാന് 700 കോടി
- മഴക്കാല ദുരിതാശ്വാസത്തിന് 250 കോടി
- മലപ്പുറത്തെ നിലമ്പൂര് താലൂക്കാശുപത്രിക്ക് 10 കോടി
- റെയില് ബജറ്റില് മുന്വര്ഷത്തേക്കാള് 2015-16-ല് നാലിരട്ടി തുക
- കേരളത്തിന് 400 ലോഫ്ളോര് ബസ്സുകള് പുതുതായി അനുവദിച്ചു.
- കാര്ഷികവികസനത്തിനായി 1000 കോടി
- ഏലത്തിന്റെ വിലയിടിവ് തടയാനായി 500 രൂപ തറവില നിശ്ചയിച്ചു.
- തിരുവനന്തപുരം കൊച്ചി നഗരങ്ങളെ സൗരനഗരങ്ങള് ആയി പ്രഖ്യാപിച്ചു.
സൗരോര്ജ്ജത്തില്നിന്ന് വൈദ്യുതിയുണ്ടാക്കാന് 1000 കോടിയിലേറെ ഫണ്ട് ലഭിക്കും.
- ഭാതതത്തിലെ ആദ്യത്തെ ഗ്രാമീണ ഹൈസ്പീഡ് ബ്രോഡ്ബാന്റ് ഇടുക്കിയില് ആരംഭിച്ചു.
- കേരളത്തില് പാലക്കാട്ട് ഐ.ഐ.ടി. ആരംഭിച്ചു.
- കൊച്ചി മെട്രോയ്ക്ക് 872.88 കോടി കേന്ദ്രവിഹിതം
- കോട്ടയം മെഡിക്കല് കോളേജിന്റെ വികസനത്തിനായി 250 കോടി
- കോഴിക്കോട് മെഡിക്കല് കോളേജ് ടെര്ഷ്യറി കെയര് ക്യാന്സര് സെന്ററായി വികസിപ്പിക്കുന്നതിന് 45 കോടി
- കണ്ണൂര് വിമാനത്താവളത്തിന് 100 കോടി. ഉടന് പ്രവര്ത്തനം ആരംഭിക്കും.
- കേരളത്തിലെ എട്ട് നദികളെ ജലപാതകളാക്കും. 1000 കോടിയിലേറെ തുക ഇതിനായി നല്കും.
- ഒറ്റപ്പാലത്ത് 231 കോടി മുടക്കി ഡിഫന്സ് പാര്ക്ക്
- തലശ്ശേരി-മാഹി ബൈപ്പാസിന് കേന്ദ്രാനുമതി
- തിരുവനന്തപുരത്തെ മൂക-ബധിര വിദ്യാലയമായ നിഷിനെ സര്വ്വകലാശാലയാക്കി ഉയര്ത്തി. 180 കോടിയുടെ വികസനം
- സ്മാര്ട്ട് സിറ്റി പദ്ധതികള് : ഒരെണ്ണം കേരളത്തില് എറണാകുളത്ത്. 5000 കോടിവരെ ഭാവിയില് കേന്ദ്രഫണ്ട് ലഭിക്കുവാന് സാദ്ധ്യത. തിരുവനന്തപുരത്തെയും പരിഗണിച്ചുവരുന്നു. സമഗ്രവികസന മാതൃകകള് ആയിരിക്കും ഓരോ സ്മാര്ട്ട് സിറ്റിയും.
- അമൃതനഗരപദ്ധതി : ചെറുനഗരങ്ങളുടെ വികസനത്തിനായി 17 എണ്ണം കേരളത്തില്. ഗുരുവായൂരും കണ്ണൂരും ഉള്പ്പെടെ. ചെറുനഗരങ്ങളെയും വികസന പാതയിലേക്ക് നയിക്കാന് ഇതിലൂടെ സാധിക്കും.
- ഫുഡ് പാര്ക്ക് : രാജ്യത്താകമാനം 17 മെഗാ ഭക്ഷ്യസംസ്കരണ കേന്ദ്രങ്ങള് തുടങ്ങുന്നു ഗ്രാമീണ കര്ഷകരുടെ എല്ലാ ഉല്പന്നങ്ങള്ക്കും ഇടനിലക്കാരെ ഒഴിവാക്കി പരമാവധി വിലനല്കി ശേഖരിക്കും. ഓരോ ഫുഡ് പാര്ക്കിനും അനുബന്ധമായ പതിനഞ്ചോളം ചെറു സബ് പാര്ക്കുകള്. കേരളത്തില് – ആലപ്പുഴ ചേര്ത്തലയിലും, പാലക്കാട് വാളയാറിലും ആയിരിക്കും ഫുഡ്പാര്ക്ക് തുടങ്ങുക.
- വിഴിഞ്ഞം പദ്ധതിക്ക് അംഗീകാരം: 40-ല്പരം വര്ഷങ്ങളായി മുടങ്ങിക്കിടന്നിരുന്ന പദ്ധതിക്ക് 800 കോടി വയബലിറ്റി ഗ്യാപ്പ്ഫണ്ടോടെ അംഗീകാരം നല്കി. 75,00 കോടിയോളം ചെലവ് വരുന്ന വിഴിഞ്ഞം പദ്ധതി കേരളത്തെ മറ്റൊരു സിംഗപ്പൂരാക്കിമാറ്റും. കബോട്ടാഷ് നിയമം ഇളവ് ചെയ്തുകൊടുക്കാനും നടപടികള് സ്വീകരിച്ചുവരുന്നു.
- എയര്കേരളക്കുവേണ്ടി വ്യോമയാന നിയമം ഭേദഗതി ചെയ്ത് അംഗീകാരമായി: പ്രവാസി മലയാളികള്ക്ക് കുറഞ്ഞനിരക്കില് സഞ്ചരിക്കാന് കഴിയും. പ്രവാസിമലയാളികളുടെ ദീര്ഘകാലത്തെ സ്വപ്നം മോദി സാക്ഷാത്കരിച്ചിരിക്കുന്നു.
പഞ്ചായത്തുകള്ക്ക് കേന്ദ്രഫണ്ട് മൂന്നിരട്ടിയാക്കിയിരിക്കുകയാണ്.സ്വാതന്ത്ര്യ പ്രാപ്തിക്കുശേഷം പഞ്ചായത്തുകള്ക്ക് മൂന്നുമടങ്ങ് ഫണ്ട് അനുവദിച്ചിരിക്കുന്നത് ആദ്യം.പഞ്ചായത്തുകളിലൂടെ പ്രാദേശിക വികസനം ശക്തമാക്കുക എന്നതാണ് ലക്ഷ്യം. ഇതു മനസ്സിലാക്കിയാല് അരിയാഹാരം കഴിക്കുന്നവര് ആര്ക്ക് വോട്ടു ചെയ്യും എന്ന് അറിയുന്നതുകൊണ്ടാണ് മുന്നണികള് വികസനം വിഷയമേ ആക്കാത്തത്.
