തിരുവനന്തപുരം: തദ്ദേശസ്വയംഭരണ തെരഞ്ഞെടുപ്പില് 1,199 തദ്ദേശസ്വയംഭരണ സ്ഥാപനങ്ങളിലായി 21,871 വാര്ഡുകളിലേക്കാണ് ഇക്കുറി വോട്ടെടുപ്പ് നടക്കുന്നത്. ഇതില് 941 ഗ്രാമപഞ്ചായത്തുകളിലായി 15,962 വാര്ഡുകളും 152 ബ്ലോക്ക് പഞ്ചായത്തുകളിലായി 2,076 വാര്ഡുകളും 14 ജില്ലാ പഞ്ചായത്തുകളിലായി 331 ഡിവിഷനുകളും 86 മുന്സിപ്പാലിറ്റികളിലായി 3,088 വാര്ഡുകളും ആറു മുനിസിപ്പല് കോര്പ്പറേഷനുകളിലായി 414 വാര്ഡുകളുമാണുള്ളത്.
2010-ലെ തദ്ദേശഭരണ തെരഞ്ഞെടുപ്പില് 1,209 തദ്ദേശഭരണ സ്ഥാപനങ്ങളിലായി 21,682 വാര്ഡുകളാണ് ഉണ്ടായിരുന്നത്. എന്നാല് ഇപ്പോള് 10 തദ്ദേശസ്വയംഭരണ സ്ഥാപനങ്ങളുടെ കുറവ് ഉണ്ടായിട്ടുണ്ടെങ്കിലും 189 വാര്ഡുകള് കൂടുതലായിട്ടുണ്ട്.
മലപ്പുറം ജില്ലയിലാണ് ഏറ്റവും കൂടുതല് വാര്ഡുകള്. 122 തദ്ദേശസ്വയംഭരണ സ്ഥാപനങ്ങളിലായി 2,510 വാര്ഡുകള്. ഏറ്റവും കുറവ് വയനാട്ടിലാണ്. 31 തദ്ദേശസ്വയംഭരണ സ്ഥാപനങ്ങളിലായി 582 വാര്ഡുകളാണുള്ളത്. മലപ്പുറത്ത് 2010-ലെ തെരഞ്ഞെടുപ്പില് 123 തദ്ദേശസ്വയംഭരണ സ്ഥാപനങ്ങളിലായി 2439 വാര്ഡുകളും വയനാട്ടില് 31 തദ്ദേശസ്വയംഭരണ സ്ഥാപനങ്ങളിലായി 560 വാര്ഡുകളുമാണ് ഉണ്ടായിരുന്നത്.
55 വാര്ഡുകള് ഉള്പ്പെടുത്തി കണ്ണൂര് മുനിസിപ്പല് കോര്പ്പറേഷന് രൂപീകരിച്ചതോടെ മുനിസിപ്പല് കോര്പ്പറേഷനുകളുടെ എണ്ണം ആറായി. മുനിസിപ്പാലിറ്റികളുടെ എണ്ണം 60-ല് നിന്ന് 86 ആയി ഉയര്ന്നിട്ടുണ്ട്. ഏറ്റവും കൂടുതല് മുന്സിപ്പാലിറ്റികള് ഉള്ള ജില്ല എറണാകുളമാണ്. 13 മുന്സിപ്പാലിറ്റികള്. ഏറ്റവും കുറവ് ഇടുക്കിയിലും. രണ്ട് മുന്സിപ്പാലിറ്റികള്.
