പാവപ്പെട്ടവര്ക്കും സാധാരണക്കാര്ക്കും യുവാക്കള്ക്കും വേണ്ടിയുള്ള ബജറ്റ് അവതരിപ്പിച്ച ധനമന്ത്രി അരുണ് ജെയ്റ്റ്ലി അഭിനന്ദനം അര്ഹിക്കുന്നതായി പ്രധാനമന്ത്രി നരേന്ദ്രമോദി പറഞ്ഞു. മാതൃകാമാറ്റം വരുത്തിയ ബജറ്റാണ് രാജ്യത്തിനായി ധനമന്ത്രി അവതരിപ്പിച്ചിരിക്കുന്നത്. വ്യക്തമായ കാഴ്ച്ചപ്പാടോടുകൂടിയുള്ള ബജറ്റ് പുരോഗമനാത്മകവും യുക്തിസഹവും വ്യക്തവും പ്രാവര്ത്തികവും വിവേകത്തോടുകൂടിയുമുള്ളതാണ്, മോദി പറഞ്ഞു.
കൃഷിക്കാര്, യുവജനങ്ങള്, പാവപ്പെട്ടവര്, പുത്തന് ഇടത്തരക്കാര്, നഗരങ്ങളിലെ സാധാരണക്കാര് എന്നിവരെ ബജറ്റില് കേന്ദ്രീകരിക്കുന്നുണ്ട്. വളര്ച്ചയും സമത്വവും തൊഴിലവസരവും ഈ വിഭാഗങ്ങള്ക്ക് നല്കാന് ബജറ്റ് ശ്രമിക്കുന്നു. നിക്ഷേപ സൗഹൃദപരവും നികുതി സംബന്ധിച്ച സംശയങ്ങള് ദുരീകരിക്കുന്നതുമാണ് ധനമന്ത്രിയുടെ പ്രഖ്യാപനങ്ങള്. സ്ഥിരതയോടുകൂടിയതും അപ്രതീക്ഷിത മാറ്റങ്ങളില്ലാത്തതും മികച്ചതുമായ നികുതി സംവിധാനമാണ് ബജറ്റ് ഉറപ്പുനല്കുന്നത്.
എല്ലാവര്ക്കും വീട്, ജോലി, ആരോഗ്യസംരക്ഷണം, വിദ്യാഭ്യാസം, സമ്പൂര്ണ്ണ വൈദ്യുതീകരണം എന്നിവ 2022ഓടെ ലഭ്യമാക്കുമെന്ന ധനമന്ത്രിയുടെ വാക്കുകള് അമൃത മഹോത്സവമായി. ദേശീയ താല്പ്പര്യം മുന്നിര്ത്തിക്കൊണ്ടു എല്ലാ സംസ്ഥാനങ്ങളേയും പ്രതിനിധീകരിക്കുന്ന ബജറ്റ് അവതരിപ്പിച്ച ധനമന്ത്രി, രാജ്യത്തിന്റെ ഭാവിവളര്ച്ചയില് വടക്കുകിഴക്കന് സംസ്ഥാനങ്ങള്ക്ക് നിര്വഹിക്കാനുള്ള വലിയ പങ്ക് കാണിച്ചുതരുന്നു.
കള്ളപ്പണം തടയുന്നതിനായുള്ള പുതിയ നിയമം വിദേശ രാജ്യങ്ങളില് സൂക്ഷിച്ചിരിക്കുന്ന മുഴുവന് പണവും തിരികെ എത്തിക്കാനുള്ള സര്ക്കാരിന്റെ ശ്രമങ്ങള്ക്ക് വലിയ ഊര്ജ്ജം പകരുന്നതാണ്. ജന്ധന് യോജനയ്ക്ക് പിന്നാലെ ബജറ്റില് അവതരിപ്പിച്ച പുതിയ പദ്ധതികള് പാവപ്പെട്ടവരുടെ ജീവിതനിലവാരം ഉയര്ത്തും. സുരക്ഷാ ഭീമാ യോജന, അടല് പെന്ഷന് യോജന, ജീവന്ജ്യോതി ഭീമ യോജന, വിദ്യാലക്ഷ്മി കാര്യക്രം എന്നിവ പ്രധാനപ്പെട്ടവയാണ്. വ്യവസായ സംരംഭകത്വത്തിന് പുതുഊര്ജ്ജം പകരുന്ന അടല് ഇന്നവേഷന് മിഷന്, സേതു എന്നിവ ഭാരതത്തിന്റെ വളര്ച്ചയുടെ വേഗത വര്ദ്ധിപ്പിക്കുന്നത പദ്ധതികളാണെന്നും പ്രധാനമന്ത്രി നരേന്ദ്രമോദി പ്രതികരിച്ചു.
