റിയോ ഡി ജനീറോ: റിയോ ഒളിമ്പിക്‌സ് ഷൂട്ടിങില്‍ ഇന്ത്യയുടെ ഗഗന്‍ നരംഗ് ഫൈനല്‍ കാണാതെ പുറത്തായി. 10 മീറ്റര്‍ എയര്‍ റൈഫിള്‍ ഷൂട്ടിംഗിലാണ് ഗഗന്‍ നരംഗ് മത്സരിച്ചിരുന്നത്.
ലണ്ടന്‍ ഒളിമ്പിക്‌സില്‍ നരംഗിന് ഈ ഇനത്തില്‍ വെങ്കല മെഡല്‍ ലഭിച്ചിരുന്നു. അന്ന് സ്വര്‍ണമെഡല്‍ ജേതാവിനൊപ്പം (103.1) പോയിന്റുണ്ടായിട്ടും ആകെ കണക്കില്‍ നരംഗ് മൂന്നാം സ്ഥാനത്തേക്കു പിന്തള്ളപ്പെടുകയായിരുന്നു. ലണ്ടന്‍ ഒളിമ്പിക്‌സ് ഷൂട്ടിങില്‍ യോഗ്യതാ റൗണ്ടിലെ പോയിന്റും കൂട്ടുന്നുണ്ടായിരുന്നു. ബീജിങില്‍ ചെറിയ പോയിന്റ് വ്യത്യാസത്തിലാണ് നരംഗിനു ഫൈനല്‍ നഷ്ടമായത്. 33 കാരനായ നരംഗിന്റെ നാലാം ഒളിമ്പിക്‌സാണ് റിയോയിലേത്.
കഴിഞ്ഞ മൂന്ന് ഒളിമ്പിക്‌സിന്റെ അനുഭവസമ്പത്തുള്ള നരംഗ് 10 മീറ്റര്‍ എയര്‍ റൈഫിളിനെ കൂടാതെ 50 മീറ്റര്‍ റൈഫില്‍ പ്രോണ്‍, 50 മീറ്റര്‍ റൈഫില്‍ ത്രീ പൊസിഷന്‍ എന്നിവയിലും മത്സരിക്കുന്നുണ്ട്.
പ്രതികരിക്കാൻ ഇവിടെ എഴുതുക: