ബാലരാമപുരം : എസ് എ ടി ആസ്പത്രിയിലെ ചികിത്സ പിഴവ് കാരണം മരണമടഞ്ഞ രുദ്ര എന്ന നാലുമാസം പ്രായമുള്ള കുട്ടിയുടെ മരണത്തില് കുറ്റക്കാര്ക്കെതിരെ നടപടി വേണമെന്ന ആവശ്യവുമായി സമരം ചെയ്ത മാതാപിതാക്കളായ സുരേഷ് ബാബു രമ്യ മകള് ദുര്ഗ്ഗാ എന്നിവര്ക്കു മുഖ്യ മന്ത്രി കൊടുത്ത ഉറപ്പു എങ്ങുമെത്തിയില്ല . രണ്ടായിരത്തി പതിനാറു ഡിസംബര് രണ്ടാം തീയതി വരെ അറുപതു ദിവസം നീണ്ടു നിന്ന സമരത്തിനൊടുവില് പത്തു ദിവസത്തില് അന്വേഷിച്ചു കുറ്റക്കാര്ക്കെതിരെ നടപടി സ്വീകരിക്കും എന്നാണു മുഖ്യ മന്ത്രിയുടെ ഓഫീസില് രുദ്രയുടെ മാതാപിതാക്കളെ വിളിപ്പിച്ചു ഉറപ്പു നല്കിയത്. എന്നാല് നാലുമാസം കഴിഞ്ഞിട്ടും നടപടി ആകാതായതോടെയാണ് ഇവര് വീണ്ടും സെക്രട്ടേറിയറ്റ് പടിക്കല് സമരത്തിനെത്തിയത്.പോഷകാഹാര കുറവാണ് മരണകാരണം എന്നാണു ആസ്പത്രി അധികൃതര് നല്കിയ വിശദീകരണം ഇതോടെയാണ് സുരേഷും രമ്യയും രംഗത്തെത്തിയത്. തങ്ങളുടെ മകള് മരിച്ചത് ചികിത്സാപ്പിഴവ് കാരണമെന്ന മാതാപിതാക്കളുടെ പരാതിയെ തുടര്ന്ന് സംഭവം വാര്ത്ത ആയതോടെയാണ് .പോസ്റ്റ്മോര്ട്ടം നടത്താന് ഉത്തരവായത് .തുടര്ന്ന്
അടക്കം ചെയ്ത രുദ്രയുടെ മൃതദേഹം പത്തു ദിവസത്തിന് ശേഷം പുറത്തെടുത്തു പോസ്റ്റ്മോര്ട്ടം നടത്തുകയും ആന്തരിക അവയവങ്ങള് രാസ പരിശോധനയ്ക്കു അയക്കുകയും ചെയ്യും എന്ന് പറഞ്ഞിരുന്നു. എന്നാല് പിന്നീടുള്ള അന്വേഷണത്തില് പരിശോധനയ്ക്കു അയച്ചിട്ടില്ല എന്നും തങ്ങളുടെ മകളുടെ കാര്യത്തില് ഒരു നീതിയും ലഭിക്കുന്നില്ല എന്നും ഇവര് പറയുന്നു.ശരിയായ അന്വേഷണം നടത്തി കുറ്റക്കാര്ക്കെതിരെ നടപടി സ്വീകരിച്ചാല് മാത്രമേ സമരം അവസാനിപ്പിക്കും എന്ന തീരുമാനത്തിലുമാണ് ഇവര് .
