01
തിരുവനന്തപുരം: പറയാനൊരുപാടുണ്ടായിട്ടും വേദിയില് കണ്ഠമിടറിപ്പോയ വിനായകനെ നിറഞ്ഞ കയ്യടികളോടെ വരവേറ്റ് വിദ്യാര്ത്ഥികള്. ഇന്നലെ കേരള സര്വകലാശാലാ കലോത്സവത്തിന്റെ സമാപനസമ്മേളനത്തിന്റെ ഉദ്ഘാടനവേദിയിലായിരുന്നു വിനായകന് വിദ്യാര്ഥി സമൂഹത്തിന്റെ ആദരം. യൂണിവേഴ്സിറ്റി യൂണിയന്റെ ആദരം മന്ത്രിയില് നിന്ന് ഏറ്റുവാങ്ങിയശേഷം സംസാരിക്കവെയാണ് ആദരവിന്റെ സന്തോഷത്തില് വാക്കുകള് ലഭ്യമാകാതെ കണ്ഠമിടറി.
‘ന്താ പറയേണ്ടതെന്ന് എനിക്കറിയില്ല.. എന്തൊക്കെയോ പറയണമെന്നുണ്ട്.. എനിക്കിത് ഹാന്റില് ചെയ്യാന് പറ്റുന്നില്ല’.. ഇടറിയ വാക്കുകള്ക്കിടയില് പതിവ് ചിരി.അപ്പോഴേക്കും കരഘോഷവും ആര്പ്പുവിളികളും സെനറ്റ് ഹാളിനെ ശബ്ദമുഖരിതമാക്കി. ‘അവാര്ഡ് ലഭിച്ചതിനു ശേഷം ഞാന് ഒരു പ്രത്യേക മാനസികാവസ്ഥയിലേക്ക് മാറിക്കൊണ്ടിരിക്കുകയാണ് ക്ഷമിക്കുക ഒന്നും പറയാന് പറ്റുന്നില്ല..’ഒറ്റ ശ്വാസത്തില് പറഞ്ഞ് തീര്ത്തു. ഒന്നും പറയാതെ തന്നെ വിനായകനെന്ന പച്ചമനുഷ്യനെ സദസ്സ് നെഞ്ചോട് ചോര്ത്തു. വിനായകന് എന്തുകൊണ്ടാണ് സംസാരിക്കാനാവാത്തതെന്ന കാര്യം ഗൗരവപൂര്വം ചിന്തിക്കേണ്ടതാണെന്ന് ചടങ്ങിലുണ്ടായിരുന്ന നടന് അലന്സിയര് പറഞ്ഞു. വിനായകനെ പോലുള്ളവരെ കേള്ക്കാള് ഇതുവരെ ആളുകകളോ പറയാന് ഇടമോഇല്ലായിരുന്നു. വിനായകന്റെ പ്രതിഭ ഇപ്പോഴാണ് ലോകം തിരിച്ചറിഞ്ഞത്. നല്ലതു തിരിച്ചറിയാന് വൈകും. വിനായകന്റെ ശബ്ദത്തിനായി ലോകം കാത്തിരിക്കുന്നുണ്ടെന്നും അലന്സിയര് വ്യക്തമാക്കി. അപ്പാനി രവിയെന്ന ഒറ്റ കഥാപാത്രത്തിലൂടെ അങ്കമാലി ഡയറീസിലെ വില്ലന് ശരതും ചടങ്ങിന് ആവേശംപകര്ന്നു. വിജയികള്ക്കുള്ള സമ്മാനങ്ങളും താരങ്ങള് വിതരണം ചെയ്തു. ചടങ്ങുകള് അവസാനിച്ചിട്ടും ഏറെ നേരം വിദ്യാര്ഥികളുമായി സമയം പങ്കിട്ടാണ് മൂവരും മടങ്ങിയത്.
