കോട്ടയം: താന്ത്രികാചാര്യന് പുതുമന ഈശ്വരന് നമ്പൂതിരിയുടെ ശ്രാദ്ധദിനം 2ന് തുരുത്തി പുതുമനയില് നടക്കും. ശ്രാദ്ധദിനപൂജകള്ക്ക് മറിയപ്പള്ളി അണലക്കാട് കൃഷ്ണന് നമ്പൂതിരി, ശ്രീധരന് നമ്പൂതിരി എന്നിവര് നേതൃത്വം വഹിക്കും. പുതുമന മഹേശ്വരന് നമ്പൂതിരിയുടെ നേതൃത്വത്തില് ബലിക്രിയകളും തന്ത്രശാസ്ത്രപ്രചാരണസഭയുടെ നേതൃത്വത്തില് രാവിലെ 9ന് ഗുരുപൂജയും നടക്കും. പുതുമന തന്ത്രവിദ്യാലയത്തിലെ പൂര്വ്വവിദ്യാര്ത്ഥികളും ഭക്തരും ഉള്പ്പെടെ ആചാര്യപീഠത്തില് ഗുരുപൂജ നടത്തും.
രാവിലെ 10ന് നടക്കുന്ന അനുസ്മരണ സമ്മേളനത്തില് ശിഷ്യരും സാമൂഹിക പ്രവര്ത്തകരും ഓര്മ്മകള് പങ്കുവെയ്ക്കും.
ശ്രാദ്ധദിനത്തോടനുബന്ധിച്ച് പുതുമന ഗണപതിക്ഷേത്രത്തില് അഷ്ടദ്രവ്യഗണപതിഹോമം, ഗണപതിപ്രാതല്, പന്തീരായിരം പുഷ്പാഞ്ജലി തുടങ്ങിയ വിശേഷ കര്മ്മങ്ങള് നടത്തും. താന്ത്രികവിദ്യ ജാതിക്കതീതമായി പകര്ന്ന് നല്കുന്നതിനായി പുതുമന തന്ത്രവിദ്യാലയം എന്ന പേരില് ഒരു സ്ഥാപനം ആരംഭിക്കുകയും അയിത്തഅനാചാരങ്ങളെ തുടച്ചുമാറ്റുന്നതിനായി പ്രയത്നിക്കുകയും ചെയ്ത വ്യക്തിത്വമായിരുന്നു പുതുമന ഈശ്വരന് നമ്പൂതിരി.
