കണ്ണൂര്‍: വൃദ്ധന്റെ കൊലപാതകത്തില്‍ പ്രതികളെ അറസ്റ്റ് ചെയ്യണമെന്നാവശ്യപ്പെട്ട് ബന്ധുക്കള്‍ എസ്പിക്ക് പരാതി നല്‍കി. മാങ്ങാട്ടിടം പഞ്ചായത്തിലെ പുത്തന്‍പുരയില്‍ രാജന്‍ ഫെബ്രുവരി 22 നാണ് ദുരൂഹ സാഹചര്യത്തില്‍ മരണപ്പെട്ടത്. വീട്ടില്‍ നിന്നും 300 മീറ്റര്‍ മാറിയാണ് മൃതശരീരം കിടന്നിരുന്നത്. മരണത്തില്‍ ദുരൂഹത തോന്നിയതിനാല്‍ കൂത്തുപറമ്പ് പോലീസ് പരിയാരം മെഡിക്കവല്‍ കോളേജില്‍ പോസ്റ്റുമോര്‍ട്ടം നടത്തുകയും മരണം നടന്നത് കഴുത്തുഞെരിച്ച് ശ്വാസംമുട്ടിച്ചാണെന്ന് വ്യക്തമാവുകയും ചെയ്തിരുന്നു. കൊലപാതകം നടന്നത് മൃതശരീരം കിടന്നിരുന്ന സ്ഥലത്തല്ലെന്നും വീട്ടിനകത്ത് വെച്ചാണെന്ന് പിന്നീട് ഫോറന്‍സിക് പരിശോധനയില്‍ തെളിഞ്ഞു. കൂത്തുപറമ്പ് പോലീസ് കേസ് രജിസ്റ്റര്‍ ചെയ്ത് അന്വേഷണം നടത്തിയെങ്കിലും ഇതുവരെയും ഒരാളെപ്പോലും അറസ്റ്റ് ചെയ്തിട്ടില്ല. കൊലപാതകത്തില്‍ സംശയമുള്ള രാജന്റെ ഭാര്യയെയും മകനെയും പോലീസ് സ്റ്റേഷനില്‍ വിളിപ്പിച്ച് നിരന്തരമായി ചോദ്യം ചെയ്യുകയും തുടര്‍ന്ന് മകന്‍ കുറ്റം സമ്മതിക്കുകയും ചെയ്തിരുന്നു. എന്നാല്‍ ഇതുവരെയും ആരെയും അറസ്റ്റ് ചെയ്യാത്തതില്‍ ഉത്കണ്ഠയുണ്ടെന്നും കേസന്വേഷണം നേരായ വഴിക്കല്ല നടക്കുന്നതെന്നും പരാതിയില്‍ പറയുന്നു. കേസന്വേഷണവുമായി ബന്ധപ്പെട്ട് ശക്തമായ ബാഹ്യ ഇടപെടലുകള്‍ നടന്നിട്ടുണ്ട്. അതുകൊണ്ടുതന്നെ കേസിന്റെ തുടരന്വേഷണം എസ്പിയുടെ മേല്‍നോട്ടത്തില്‍ നടത്തി കൊലപാതകികളെ കണ്ടെത്തണമെന്നും പരാതിയില്‍ പറയുന്നു.
വൃദ്ധന്റ കൊലപാതകം; പ്രതികളെ അറസ്റ്റ് ചെയ്യണമെന്നാവശ്യപ്പെട്ട് ബന്ധുക്കള്‍ എസ്പിക്ക് പരാതി നല്‍കി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.