മലപ്പുറം: എന്‍ഡിഎ കണ്വെന്ഷന് നടത്തുന്നതിന് നഗരസഭയുടെ കീഴിലുള്ള കുന്നുമ്മല്ലിലെ ടൗണ്‍ ഹാള്‍ വിട്ടുനല്‍കാത്തതില്‍ പ്രതിഷേധിച്ച് യുവമോര്‍ച്ച പ്രവര്‍ത്തകര്‍ നഗരസഭാ ഓഫീസ് ഉപരോധിച്ചു.
ഇന്നലെ നടന്ന എന്‍ഡിഎ കണ്‍വന്‍ഷന് ടൗണ്‍ ഹാള്‍ അനുവദിക്കണമെന്ന് ആവശ്യപ്പെട്ട് മുന്‍സിപ്പല്‍ ഉദ്യോഗസ്ഥരെ സമീപിച്ചെങ്കിലും അറ്റകുറ്റപ്പണി നടക്കുന്നതിനാല്‍ ഹാള്‍ അനുവദിക്കാനാകില്ലെന്ന് അറിയിക്കുകയായിരുന്നു. എന്നാല്‍ കഴിഞ്ഞ ദിവസം എല്‍ഡിഎഫിന്റെ തെരഞ്ഞെടുപ്പ് കണ്വെന്ഷന് ഹാള്‍ നല്‍കുകയും ചെയ്തു. ഇത് തെരഞ്ഞെടുപ്പ് ചട്ടലംഘനമാണെന്ന് ചൂണ്ടിക്കാട്ടി ബിജെപി ജില്ലാ പ്രസിഡന്റ് കെ.രാമചന്ദ്രന്‍ വരണാധികാരി കൂടിയായ ജില്ലാ കളക്ടര്‍ക്ക് പരാതി നല്‍കിയിരുന്നു.
ഹാള്‍ അനുവദിക്കാത്തതില്‍ പ്രതിഷേധിച്ച് യുവമോര്‍ച്ച സംസ്ഥാന സെക്രട്ടറി അജി തോമസ്, ജില്ലാ പ്രസിഡന്റ് ബി.രതീഷ്, ജില്ലാ ജനറല്‍ സെക്രട്ടറി കെ.ടി.അനില്‍ കുമാര്‍, ജില്ലാ സെക്രട്ടറി ഇ.സജേഷ്, ബിജെപി സംസ്ഥാന വൈസ് പ്രസിഡന്റ് എന്‍.ശിവരാജന്‍, ബിജെപി ജില്ലാ ജനറല്‍ സെക്രട്ടറി രവി തേലത്ത്, സേതുമാധവന്‍ എന്നിവരുടെ നേതൃത്വത്തിലായിരുന്നു. വിഷയത്തില്‍ വിശദമായ അന്വേഷണം നടത്തി കുറ്റക്കാര്‍ക്കെതിരെ നടപടിക്ക് ശുപാര്‍ശ ചെയ്യുമെന്ന ഉറപ്പിന്റെ അടിസ്ഥാനത്തില്‍ ഉപരോധം അവസാനിപ്പിച്ചു.
പ്രതികരിക്കാൻ ഇവിടെ എഴുതുക: