തലശ്ശേരി: മണ്ണയാട് മാപ്പിള എല്പി സ്കൂള് പഠനവഴിയില് എണ്പത്തിയെട്ട് വര്ഷം പൂര്ത്തീകരിച്ചതിന്റെ ആഘോഷച്ചടങ്ങുകള് വിവിധ പരിപാടികളോടെ നാളെ സ്കൂളിനു സമീപത്തെ സാറ ഗ്രൗണ്ടില് നടക്കും. വാര്ഷിക ആഘോഷ പരിപാടികളുടെ ഉദ്ഘാടനവും സ്കൂളിനെ കുറിച്ച് തയ്യാറാക്കിയ ഡോക്യുമെന്ററിയുടെ പ്രകാശനവും വൈകിട്ട് 5 മണിക്ക് ചേരുന്ന സാസ്കാരിക സമ്മേളനത്തില് അഡ്വ. എ. എന് ഷംസീര് എംഎല് എ നിര്വ്വഹിക്കും. അനുബന്ധപരിപാടികളായ ബാലോത്സവം 2017 ഡി വൈഎസ്പി പ്രിന്സ് എബ്രഹാമും പൂര്വ്വ വിദ്യാര്ത്ഥി സംഗമം നഗരസഭ വിദ്യാഭ്യാസ സ്ഥിരം സമിതി ചെയര്മാന് എം. വേണുഗോപാലും ഉദ്ഘാടനം ചെയ്യും. ഹ്യൂമന് റൈറ്റസ് ഫോറം കണ്ണൂര് ജില്ല ജനറല് സെക്രട്ടറി ഉസീബ് ഉമ്മലില് മുഖ്യാതിഥിയാവും. സന്തോഷ് ഇല്ലോളില് പ്രഭാഷണം നടത്തും. എസ്എസ്എല്സി പരീക്ഷയില് മുഴുവന് വിഷയത്തിലും എപ്ലസ് നേടി പൂര്വ്വ വിദ്യാര്ത്ഥിനികളായ കെ.ഫാത്തിമ, ചൈതന്യ പ്രശീല് എന്നിവര്ക്ക് നോര്ത്ത് എഇഒ കെ.എ അശോകന് ഉപഹാരം സമര്പ്പിക്കും. ബെസ്റ്റ് സ്റ്റുഡന്റ്, ബെസ്റ്റ് മദര്, സ്കൂളിനുസമീപത്തെ അംഗന്വാടികള്, പ്രദേശത്തെ കലാകായിക പ്രതിഭകള് എന്നിവരെ ആദരിക്കും. അധ്യാപക രക്ഷാകര്തൃസമിതിയുടെയും സ്കൂള് വികസന സമിതിയുടെയും നേതൃത്വത്തിലാണ് വാര്ഷിക ആഘോഷം സംഘടിപ്പിക്കുന്നതെന്ന് സ്വാഗതസംഘം ഭാരവാഹികള് വാര്ത്താസമ്മേളനത്തില് അറിയിച്ചു. സ്കൂളിന്റെ തുടക്കം മുതല് 2006 വരെ കാലെ അളവില് പഠിച്ച പൂര്വ്വ വിദ്യാര്ത്ഥികള് 9744595692, 9744962640 നമ്പറുകളില് ബന്ധപ്പെടണമെന്നും ഭാരവാഹികള് അറിയിച്ചു. എസ്.ആര്.ജി കണ്വീനര് വി. ജിസ്ന, പി. ടി. എ പ്രസിഡണ്ട് റംഷീദ് ഇല്ലിക്കല്, പി.ലാനിഷ, പി.ആതിര മോഹന്, ടി.വിനിഷ എന്നിവര് വാര്ത്താസമ്മേളനത്തില് സംബന്ധിച്ചു.
മണ്ണയാട് മാപ്പിള എല്പി സ്കൂള് വാര്ഷിക ആഘോഷം
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.