പെരിന്തല്‍മണ്ണ: എന്‍ഡിഎ സ്ഥാനാര്‍ത്ഥി അഡ്വ.എന്‍ ശ്രീപ്രകാശ് പെരിന്തല്‍മണ്ണ മണ്ഡലത്തില്‍ പര്യടനം നടത്തി.
രാവിലെ അങ്ങാടിപ്പുറം തിരുമാന്ധാംകുന്ന് ക്ഷേത്രത്തില്‍ ദര്‍ശനം നടത്തിയ ശേഷം ക്ഷേത്രം ട്രസ്റ്റി എ.സി.വേണുഗോപാലരാജാ, മാനേജര്‍ സുരേന്ദ്രക്കുറുപ്പ് തുടങ്ങിയവരെ നേരില്‍ക്കണ്ട് വോട്ട് അഭ്യര്‍ത്ഥിച്ച ശേഷം തളി ക്ഷേത്രത്തിലും ദര്‍ശനം നടത്തി. തുടര്‍ന്ന് പെരിന്തല്‍മണ്ണ മണ്ഡലത്തിലെ ആനമങ്ങാട്, ചെറൂകര, ഏലംകുളം, പുലാമന്തോള്‍ എന്നിവിടങ്ങളില്‍ പര്യടനം നടത്തി. പുലാമന്തോള്‍ അഷ്ടവൈദ്യന്‍ ശങ്കരന്‍ മൂസ്സ്, ജ്യോത്സ്യന്‍ പാലൂര്‍ ഗോപാലകൃഷ്ണ പണിക്കര്‍, പാലൂര്‍ ഉണ്ണികൃഷ്ണ പണിക്കര്‍ എന്നിവരെയും പാലൂരില്‍ കൊലചെയ്യപ്പെട്ട പാലൂര്‍ മോഹനചന്ദ്രന്റെ വസതിയും സന്ദര്‍ശിച്ചു. സ്ഥാനാര്‍ത്ഥിയെ മണ്ഡലം പ്രസിഡന്റുമാരായ അഡ്വ.എം. കെ.സുനില്‍, കല്ലിങ്കല്‍ ഉണ്ണികൃഷ്ണന്‍, യുവമോര്‍ച്ച ജില്ലാ പ്രസിഡന്റ് ബി.രതീഷ്, എം.വാസു, എം.പി.രാമചന്ദ്രന്‍, കണ്ണത്ത് മുരളി എന്നിവര്‍ അനുഗമിച്ചു.
പ്രതികരിക്കാൻ ഇവിടെ എഴുതുക: