കുറവിലങ്ങാട്: കുറവിലങ്ങാട്,കടപ്ലാമറ്റം പഞ്ചായത്തുകളിലെ പ്രമുഖപത്രങ്ങളുടെ ഏജന്റായ ഇലയ്ക്കാട് കെ.ജെ കുര്യനെയും മകന് ജോമോന്കുര്യനേയും പത്രവിതരണത്തിനിടെ വാഹനങ്ങള് തടഞ്ഞ് കൈയ്യേറ്റം ചെയ്തു. സംഭവത്തില് കടപ്ലാമറ്റം കോണ്ഗ്രസ് ഐ മണ്ഡലം പ്രസിഡണ്ട് സി.സി മൈക്കിള്, പഞ്ചായത്ത് വൈസ് പ്രസിഡണ്ട് കെ.ആര് ശശീധരന്നായര് എന്നിവരടക്കം ആറുപേര്ക്കെതിരെ മരങ്ങാട്ടുപിള്ളി പൊലീസ് കേസെടുത്തു.
തിങ്കളാഴ്ച രാവിലെ ഏഴിന് ഇലയ്ക്കാട് നെച്ചിമറ്റം കവലയ്ക്കുസമീപം പോപ്പുംപടിയിലാണ് സംഭവം. പുലര്ച്ചെ നാലിന് കുറവിലങ്ങാട് നന്നും ആരംഭിച്ച പത്രവിതരണം ഏഴുമണിയോടെ പോപ്പുംപടിയിലെത്തിയപ്പോഴാണ് കാറിലെത്തിയഅക്രമിസംഘം ബൈക്കില് പത്രങ്ങളുമായിഎത്തിയ ജോമോന്കുര്യനെ തടഞ്ഞുനിര്ത്തി ബൈക്കിന്റെ താക്കോല് ഊരിഎടുത്തും മൊബൈല്ഫോണ് പിടിച്ചെടുത്തും തടഞ്ഞുവച്ചു. ഇതിനുശേഷം കെ.ജെ കുര്യനും പത്രവുമായി എത്തിയപ്പോഴും സംഘം തടഞ്ഞുവച്ച് കൈയ്യേറ്റം ചെയ്തു. വിവിരമറിഞ്ഞസംഭവസ്ഥലത്തെത്തിയ മരങ്ങാട്ടുപിള്ളി പൊലീസ് ആണ് അക്രമികളില്നിന്നും ഇരുവരേയും മോചിപ്പിച്ചത്. കോണ്ഗ്രസിലെ ഗ്രൂപ്പ് വഴക്കുമായിബന്ധപ്പെട്ട ഒരുവിഭാഗം പ്രസിദ്ധീകരിച്ച നോട്ടീസ് കൈവശംവച്ചുവെന്നാണ് അക്രമിസംഘം ആരോപിച്ചത്. യൂത്ത്കോണ്ഗ്രസ് മണ്ഡലം പ്രസിഡണ്ട് അഭിലാഷ്, അരുണ്ശശീധരന്,ദീപു,സിജു എന്നിവര്ക്കെതിരെയാണ് മരങ്ങാട്ടുപിള്ളി പൊലീസ് കേസെടുത്തത്. പത്രവിതരണത്തിനിടെ ഏജന്റിനേയും മകനേയും ആക്രമിച്ചതില് കുറവിലങ്ങാട്ടെ പത്രഏജന്റുമാരുടെ യോഗം പ്രതിഷേധിച്ചു കുറ്റവാളികളെ ഉടന് അറസ്റ്റുചെയ്യണമെന്ന് ആവശ്യപ്പെട്ടു. യോഗത്തില് സെക്രട്ടറി സിബിസിറിയക്ക് പ്രതിഷേധപ്രമേയം അവതരിപ്പിച്ചു.ട്രഷറര് എം.ജെ മോനിച്ചന്,റോജേഷ് ഇമ്മാനുവേല്,ടി.ജി സോമനാഥന്,കെ.എസ് രാജു,ജെയ്സണ്മാത്യു, കെ.കെ സുധീഷ്,ബിജുകോഴാ,സിനീഷ്ജോര്ജ്,ടോജോപാലയ്ക്കല്,ജെയിംസ്ജോസഫ്് കുര്യനാട് ഹരിദാസ് കുര്യനാട് എന്നിവര് പ്രസംഗിച്ചു.
