കോട്ടയം: വ്യവസായ വാണിജ്യവകുപ്പിന്റെ ആഭിമുഖ്യത്തില്‍ വ്യവസായ പോര്‍ട്ടല്‍ തയ്യാറാക്കുന്നു. വ്യവസായ വികസന ഓഫീസര്‍മാര്‍ വഴിയാണ് പ്രോജക്ട് നടപ്പിലാക്കുക. സംരംഭകര്‍ക്കുളള പുതിയ പദ്ധതികള്‍ ആസൂത്രണം ചെയ്യുന്നതിനും വ്യവസായ ക്ലസ്റ്ററുകള്‍ തിരിച്ചറിയുന്നതിനും വകുപ്പിന്റെ നയരൂപീകരണത്തിനും സംരംഭകര്‍ നേരിടുന്ന വൈഷമ്യങ്ങള്‍ സര്‍ക്കാരിന്റെ ശ്രദ്ധയില്‍ കൊണ്ടുവരേണ്ടതിനും സഹായകമാകുന്ന വിധത്തിലാണ് പദ്ധതി ആവിഷ്‌കരിച്ചിട്ടുളളത്. കെല്‍ട്രോണിന്റെ സഹായത്തോടെ ഒരു മൊബൈല്‍ ആപ്ലിക്കേഷന്‍ വികസിപ്പിച്ചെടുത്തിട്ടുണ്ട്. വ്യവസായ വികസന ഓഫീസര്‍മാര്‍ സംരംഭകരെ നേരില്‍ സമീപിച്ച് വിവരശേഖരണം നടത്തുകയും പ്രസ്തുത വിവരങ്ങള്‍ വകുപ്പിന്റെ സര്‍വറിലേയ്‌ക്ക് അപ്ലോഡ് ചെയ്യുകയും ചെയ്യും. സംരംഭത്തിന്റെ ഫോട്ടോ, ജി.പി.എസ് ഡാറ്റാ സഹിതമാണ് ഇപ്രകാരം ചെയ്യുന്നത്. സംരംഭകര്‍ക്ക് നേരിട്ട് വ്യവസായ വകുപ്പിന്റെ വെബ് സൈറ്റായ ംംം.ശിറെtuൃ്യസലൃമഹമ.ഴീ്.ശി മുഖേന സംരംഭത്തിന്റെ ഡാറ്റാ സ്വയം സമര്‍പ്പിക്കുന്നതിനും സംവിധാനമൊരുക്കിയിട്ടുണ്ട്. ഇപ്രകാരം ശേഖരിക്കുന്ന ഡാറ്റാ പൊതുജനങ്ങള്‍ക്കോ മറ്റ് ഏജന്‍സികള്‍ക്കോ ലഭ്യമാക്കുന്നതല്ല. സംരംഭകര്‍ക്ക് നേരിട്ട് പ്രയോജനപ്പെടുന്ന പദ്ധതികളും മറ്റ് സേവനങ്ങളും ആസൂത്രണം ചെയ്യുക എന്ന ലക്ഷ്യത്തോടെയാണ് ഈ പദ്ധതി നടപ്പിലാക്കുന്നത്.
സംരംഭകരെ സഹായിക്കാന്‍ വ്യവസായ വകുപ്പിന്റെ പുതിയ പോര്‍ട്ടല്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.