മാടക്കത്തറ: സെന്റ് ജോസഫ് ദേവാലയത്തിലെ മൊബൈല് ടവര് നിര്മാണത്തിനെതിരെ പ്രതിഷേധം ശക്തമാകുന്നു. പ്രതിഷേധത്തിന്റെ ഭാഗമായി ജനകീയ സമരസമിതി ഉപവാസ സമരം നടത്തി.
കളക്ടറുടെ സ്റ്റോപ്പ് മെമ്മോ ലംഘിച്ച് പണി പൂര്ത്തീകരിക്കുവാന് ശ്രമിക്കുന്ന മൊബൈല് ടവറിനെതിരെ സമീപവാസികളുടെ നേതൃത്വത്തില് ജനകീയ സമരസമിതി പ്രതിഷേധ സമരം ശക്തമാക്കി.
ഇന്നലെ സമരസമിതിയുടെ നേതൃത്വത്തില് വായ്മൂടിക്കെട്ടി ഉപവാസസമരം സംഘടിപ്പിച്ചു. സമരത്തില് സ്ത്രീകളും കുട്ടികളുമടക്കം നൂറുകണക്കിനാളുകള് പങ്കെടുത്തു. രണ്ടാഴ്ചയായി നടന്നുവരുന്ന കുടില്കെട്ടി സമരത്തെ തകര്ക്കാന് ശ്രമിക്കുന്നതിനെ സമരസമിതി അപലപിച്ചു. കഴിഞ്ഞ ദിവസം രാത്രി ടവര്വിരുദ്ധ ബാനറുകളും കുടിലും ഒരു സംഘം നശിപ്പിച്ചിരുന്നു.
