പൂവാര്: ചരിത്ര പ്രസിദ്ധമായ എവിഎം (അനന്ത വിക്ടോറിയ മാര്ത്താണ്ഡം) കനാലിന്റെ ശോചനീയാവസ്ഥ നേരില് കണ്ട് മനസിലാക്കാന് ബിജെപി സംസ്ഥാന അധ്യക്ഷന് കുമ്മനം രാജശേഖരന് പൂവാറില് എത്തി. കനാലിന്റെ ഇപ്പോഴത്തെ അവസ്ഥ വിലയിരുത്തി.കനാലിന്റെ സ്ഥിതി തികച്ചും ദയനീയവും അഴുക്കിന്റെ കൂമ്പാരം ആണെന്ന് അദ്ദേഹം അഭിപ്രായപ്പെട്ടു. കനാലിന് എതിരെ പഞ്ചായത്തിന്റെ അനാസ്ഥയും അവഗണനയും തുടരുമെങ്കില് ബിജെപി പ്രതിഷേധിക്കുമെന്നും അദ്ദേഹം പറഞ്ഞു. ബിജെപി ജില്ലാ പ്രസിഡന്റ് അഡ്വ.എസ്.സുരേഷ്,ബിജെപിസംസ്ഥാന വക്താവ് ജെ.ആര് .പദ്മകുമാര്, നിയോജക മണ്ഡലം സെക്രട്ടറി വിഷ്ണു, ബിജെപി മണ്ഡലം വൈസ് പ്രസിഡന്റും പഞ്ചായത്ത് മെമ്പറുമായ വിനീത്, പഞ്ചായത്ത് പ്രസിഡന്റ് അജിത് തുടങ്ങിയവരും സംഘത്തിലുണ്ടായിരുന്നു.
1860-ല് ജല ഗതാഗതവും വാണിജ്യ ആവശ്യത്തിനും വേണ്ടി കന്യാകുമാരി മുതല് കൊല്ലം വരെ നിര്മിച്ച കനാല് ആണിത്. തീരഗ്രാമങ്ങളിലുള്ള ജനങ്ങള് ഈ കനാലിനെ ആശ്രയിച്ചാണ് ജീവിച്ചിരുന്നത്. ജനങ്ങള്ക്ക് ദുരിതവും പകര്ച്ച വ്യാധിയും സമ്മാനിക്കുന്ന ഒരു ചവറുനിക്ഷേപ കേന്ദ്രമായി കനാല് മാറി.ചരിത്ര പ്രാധാന്യമുള്ള ഒരു അധ്യായമാണ് നാശത്തിന്റെ വക്കില് നില്ക്കുന്നത്. പഞ്ചായത്തിലെ ഭൂരിഭാഗം അഴുക്കുചാലുകളും ഇന്നു ഈ കനാലുമായാണ് ബന്ധിപ്പിച്ചിരിക്കുന്നത്. കനാലിലെ കയ്യേറ്റം മാറി മാറി വരുന്ന പഞ്ചായത്ത് അധികൃതര് കണ്ടില്ലെന്ന് നടിച്ച റിസോര്ട്ട് കാര്ക്ക് വേണ്ട ഒത്താശ ചെയ്തു കൊടുക്കുന്നു എന്നാണ് നാട്ടുകാരുടെ ആരോപണം.
