കണ്ണൂര്‍: ഭക്ഷ്യസുരക്ഷാ പദ്ധതിയുടെ ഭാഗമായി പൊതുവിതരണവിഭാഗം തയ്യാറാക്കിയ റേഷന്‍ അര്‍ഹതാ ലിസ്റ്റില്‍ ജില്ലയിലെ അര്‍ഹരായ നിരവധി പട്ടിക വിഭാഗക്കാര്‍ പുറത്ത്. ഇവരെ കൂടാതെ നിരവധി ദരിദ്ര ജനവിഭാഗങ്ങളും പട്ടികക്ക് പുറത്താണ്. എന്നാല്‍ അര്‍ഹതയില്ലാത്ത ഒട്ടേറെ പേര്‍ ലിസ്റ്റില്‍ കയറിപ്പറ്റിയിട്ടുമുണ്ട്. മറ്റുള്ളവര്‍ക്ക് തൊഴിലിന് മാര്‍ക്ക് ലഭിച്ചപ്പോള്‍ പട്ടികജാതിക്കാര്‍ക്ക് ജാതിക്കും തൊഴിലിനും വേറെ വേറെ മാര്‍ക്ക് ലഭിക്കാതിരുന്നതിനാലാണ് ഭൂരിഭാഗം പട്ടിക വിഭാഗക്കാരും റേഷന്‍ മുന്‍ഗണനാ ലിസ്റ്റില്‍ നിന്നും പുറത്താകാന്‍ കാരണമായത്. ഇതര വിഭാഗങ്ങളുടെ വീടുകളില്‍ നാലും അഞ്ചുംപേര്‍ തൊഴില്‍ രഹിതരാണെന്ന് കാണിച്ച് തൊഴില്‍ രഹിതന്‍ ഒന്നിന് അഞ്ച്മാര്‍ക്ക് വീതം ഇരുപതും ഇരുപത്തിയഞ്ചും മാര്‍ക്കുകള്‍ നേടിയാണ് മുന്‍ഗണനാ ലിസ്റ്റില്‍ ഉള്‍പ്പെട്ടിട്ടുള്ളത്. നാലും അഞ്ചുംപേര്‍ ഒരുവീട്ടില്‍ തൊഴില്‍ രഹിതരായി ജീവിക്കണമെങ്കില്‍ ആ വീട്ടിലെ സാമ്പത്തിക സ്ഥിതി ഉയര്‍ന്നതാണെന്ന കാര്യത്തില്‍ സംശമില്ല. എന്നാല്‍ പട്ടികവിഭാഗത്തില്‍പെട്ടവര്‍ മൂന്ന് സെന്റിലും നാല് സെന്റിലും താമസിക്കുന്നവരും കൂട്ടുകുടുംബമായി ജീവിക്കുന്നവരുമാണ്. ഇത്തരത്തില്‍പെട്ടവര്‍ ലിസ്റ്റില്‍ നിന്നും പുറത്തായത് ഇവര്‍ക്കെ കടുത്ത തിരിച്ചടിയായിട്ടുണ്ട്. ദരിദ്ര വിഭാഗത്തില്‍പ്പെട്ട ഇവര്‍ റേഷന്‍ അരി വിലകൊടുത്തുവാങ്ങേണ്ട അവസ്ഥയിലാണുള്ളത്. ഈ സാഹചര്യത്തില്‍ സര്‍ക്കാര്‍ പ്രസിദ്ധീകരിച്ച ലിസ്റ്റ് പുനഃപരിശോധിക്കണമെന്നും അര്‍ഹതയുള്ള മുഴുവന്‍ ആളുകളെയും ലിസ്റ്റില്‍ ഉള്‍പ്പെടുത്തണമെന്നും റേഷന്‍ അര്‍ഹതാ സംരക്ഷണസമിതി അധികൃതരോട് ആവശ്യമുന്നയിച്ചു. ഈ ആവശ്യമുന്നയിച്ച് ശക്തമായ പ്രക്ഷോഭം നടത്താനും യോഗം തീരുമാനിച്ചു. കട്ടക്കുളം രാമചന്ദ്രന്‍ അധ്യക്ഷത വഹിച്ചു. ദേവദാസ് എളയാവൂര്‍, കൊങ്ങാടന്‍ ഭാസ്‌കരന്‍, കെ.മുഹമ്മദ് റാഫി, കെ.പി.രഞ്ചിനി, ഇടച്ചേരിയില്‍ ബാപ്പൂട്ടി തുടങ്ങിയവര്‍സംസാരിച്ചു.
അര്‍ഹരായ നിരവധി പട്ടിക വിഭാഗക്കാര്‍ റേഷന്‍ അര്‍ഹതാ ലിസ്റ്റിന് പുറത്ത്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.