പുലാമന്തോള്‍: പുലാമന്തോള്‍ പുഴയിലും പരിസരങ്ങളിലും സാമൂഹ്യവിരുദ്ധര്‍ അഴിഞ്ഞാടുന്നതായി പരാതി. വരണ്ടുണങ്ങിയ പുഴയിലെ മണലിലും പുല്‍തകിടിയിലും വൈകുന്നേരമാകുന്നതോടെ മദ്യപര്‍ താവളമാക്കുന്നു. ദൂരദിക്കുകളില്‍ നിന്നുപോലും പണംവെച്ച് ചീട്ടുകളിക്കാനും ഇവിടെ ആളുകളെത്തുന്നു. മാസങ്ങള്‍ക്ക് മുമ്പ് അനധികൃത മണല്‍ലോബിയേയും വാഹനങ്ങള്‍ പുഴയിലിറക്കുന്നവരെയും തടയാന്‍ പഞ്ചായത്ത് അധികൃതര്‍ ഇടപെട്ട് ബാരികേഡ് കെട്ടിയിരുന്നു. ഇത് മറികടന്നാണ് സാമൂഹ്യവിരുദ്ധരെത്തുന്നത്. വൈകുന്നേരത്തോടെ വിജനമാകുന്ന പുഴയോരം ഇവര്‍ കൈയടക്കുകയാണ്. പ്രദേശവാസികള്‍ക്ക് വല്ലാതെ ശല്യമാകുന്നുണ്ട്. പൊതുമുതല്‍ നശിപ്പിച്ചും മദ്യക്കുപ്പികള്‍ പുഴയിലെറിഞ്ഞും നടമാടുന്ന ഇവരുടെ സൈ്വര്യവിഹാരം ബന്ധപ്പെട്ടവര്‍ ഇടപെട്ട് തടയണമെന്നാണ് നാട്ടുകാരുടെ ആവശ്യം. കഴിഞ്ഞ ദിവസം ഇരുളിന്റെ മറവില്‍ പുഴയോരത്ത് പുലാമന്തോള്‍ റോയല്‍ ക്ലബ് സ്ഥാപിച്ചിരുന്ന ഗോള്‍പോസ്റ്റ് പിഴുതെറിഞ്ഞു. പുലാമന്തോളിലും പരിസരങ്ങളിലും നിയമപാലകരുടെ അഭാവമാണ് സാമൂഹ്യവിരുദ്ധര്‍ പെരുകാന്‍ കാരണമെന്ന് നാട്ടുകാര്‍ പറയുന്നു.
Monday, November 25, 2024
പുലാമന്തോള്‍ പുഴയോരം സാമൂഹ്യവിരുദ്ധരുടെ താവളമാകുന്നു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: