മുണ്ടക്കയം: മുണ്ടക്കയം-ഇളങ്കാട്-വാഗമണ് റോഡിന് 33 കോടി രൂപ അനുവദിച്ചെന്നുള്ളത് സി.പി.എം.നേതാക്കളായ കെ.ജെ.തോമസന്റെയും, കെ.രാജേഷിന്റെയും വ്യാജപ്രചാരണമാണെന്ന് കേരള യുവജനപക്ഷം നേതാവ് ഷോണ്ജോര്ജ് വാര്ത്താ സമ്മേളനത്തില് കുറ്റപ്പെടുത്തി. കഴിഞ്ഞ ദിവസം തോമസ് ഐസക് നിയമസഭയില് അവതരിപ്പിച്ച ബജറ്റില് ഈ റോഡിന് ഒരു രൂപ പോലും അനുവദിച്ചിട്ടില്ല. ബജറ്റിനു തലേ ദിവസം മാധ്യമങ്ങള്ക്കുമുന്നില് പറഞ്ഞപ്പോള് ഈ റോഡിനു 33കോടി രൂപ ലഭിക്കുമെന്നുളള പ്രതീക്ഷ പി.സി.ജോര്ജ്ജ് എംഎല്എ പ്രകടിപ്പിച്ചിരുന്നു. ഇത് കണ്ടാണ് ഇവര് വ്യാജ പ്രചാരണം നടത്തുന്നത്. റോഡിന് ഫണ്ടനുവദിക്കുമെന്ന് പ്രചരിപ്പിച്ച് വ്യാപകമായി ഒപ്പുശേഖരണം നടത്തിയവര് ജനങ്ങളെ വഞ്ചിച്ചിരിക്കുകയാണെന്നും ഷോണ് പറഞ്ഞു.നിലവില് നിര്മ്മാണം നടക്കുന്ന വാഗമണ് റോഡ് പൊതുമരാമത്തിന്റേയും കണ്സ്ട്രക്ഷന് കോര്പ്പറേഷന്റേയും തര്ക്കം മൂലം നിലച്ചിരിക്കുകയാണ്. 18കോടി അനുവദിച്ച് നിര്മ്മാണം തുടങ്ങിയെങ്കിലും മൂന്നരകോടി രൂപ മാത്രമാണ് ചെലവഴിച്ചിരിക്കുന്നത്. ഇല്ലാത്ത ഫണ്ടിന്റെ പേരില് മാധ്യമങ്ങളിലൂടെയും ഫ്ളെക്സ് ബോര്ഡിലൂടെയും പ്രചരണം നടത്തുന്നവര്ക്ക് തല്സ്ഥാനത്ത് തുടരാന് അര്ഹതയില്ല.ബജററില് ഇനിയുംപദ്ധതി എഴുതി ചേര്ക്കാന് കഴിയും ,അതിനുളളശ്രമമാണ് ഇവരുടെ ഭാഗത്തു നിന്നും ഉണ്ടാവേണ്ടതെന്നും അദ്ദേഹം പറഞ്ഞു.
ഇളങ്കാട്-വാഗമണ് റോഡിന് 33 കോടി അനുവദിച്ചെന്നുള്ളത് വ്യാജപ്രചാരണം: ഷോണ് ജോര്ജ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.