എരുമേലി: സിപിഎം നേതൃത്വം നല്കുന്ന ഇടതുമുന്നണിയുടെ എരുമേലി ഗ്രാമപഞ്ചായത്ത് ഭരണം വന് പരാജയമാണെന്നും ഭരണ സമിതിയുടെ വികസന അനാസ്ഥക്കെതിരെ ബിജെപി പ്രക്ഷോഭത്തിനൊരുങ്ങുന്നു.
റേഷന് കാര്ഡില് ബിപിഎല് ലിസ്റ്റിലെ തിരിമറി, 13-ാം പഞ്ചവത്സര പദ്ധതിയുടെ ആസൂത്രണ സമിതി രൂപീകരണത്തിലെ അട്ടിമറി, കുടിവെള്ള വിതരണം, വീടില്ലാത്തവരെ കണ്ടെത്തുന്നതിലെ വീഴ്ച അടക്കം പഞ്ചായത്ത് ഭരണസമിതി ഭരണത്തില് കടുത്ത പരാജയമാണെന്ന് ബിജെപി നേതാക്കള് പത്രസമ്മേളനത്തില് ആരോപിച്ചു.
ബിപിഎല് ലിസ്റ്റില് ഏക്കറുകണക്കിനു ഭൂമിയും കാറും, വലിയ വീടും മറ്റ് സുഖ സൗകര്യമുള്ളവരെ ഉള്പ്പെടുത്തിയപ്പോള് അര്ഹതപ്പെട്ടവരെ ഒഴിവാക്കിയെന്നും നേതാക്കള് പറഞ്ഞു. ആസൂത്രണ സമിതിയില് പട്ടികവര്ഗ വിഭാഗത്തില്പ്പെട്ടവരെയും, ബിജെപിയേയും ഴെിവാക്കിയാണ് കമ്മറ്റി രൂപീകരിച്ചത്. ശബരിമല തീര്ത്ഥാടനവുമായി ബന്ധപ്പെട്ട് കേന്ദ്ര ടൂറിസം വകുപ്പിന്റെ 100 കോടിയുടെ വികസന പദ്ധതിയില് എരുമേലി പഞ്ചായത്ത് ഒരു പദ്ധതി പോലും സമര്പ്പിക്കാനോ തയ്യാറായില്ല. കനത്ത വേനലില് ജനങ്ങള് കുടിവെള്ളത്തിനായി നെട്ടോട്ടമോടുമ്പോള് ജലവിതരണത്തിന് ഒരു നടപടിയും പഞ്ചായത്ത് സ്വീകരിക്കുന്നില്ല. പഞ്ചായത്ത് ഓഫീസിനു 200 മീറ്റര് ദൂരത്തിനുള്ളില് കുടുംബങ്ങള് വീടില്ലാതെ പടുത കൊണ്ട് കെട്ടിയ വീട്ടില് താമസിക്കാന് തുടങ്ങിയിട്ട് വര്ഷങ്ങളായി. പഞ്ചായത്തിന്റെ ഒരു ഉദ്യോഗസ്ഥനും ഇത് അറിയുന്നില്ലെന്നും ,ഗ്രാമ സഭ ലിസ്റ്റ് തയ്യാറാക്കുന്നവര് അന്വേഷിക്കാന് പോലും ഇതുവരെ ചെന്നിട്ടില്ലെന്നും നേതാക്കള് പറഞ്ഞു.
വിവിധ മേഖലകളില് പഞ്ചായത്തിന്റെ ഭരണം പരാജയപ്പെട്ടതിന്റെ അടിസ്ഥാനത്തിലാണ് ബിജെപി ജനകീയ പ്രക്ഷോഭത്തിന് തയ്യാറെടുക്കുന്നതെന്നും നേതാക്കള് പറഞ്ഞു. പത്രസമ്മേളനത്തില് ബിജെപി പൂഞ്ഞാര് നിയോജക മണ്ഡലം പ്രസിഡന്റ് വി. സി. അജികുമാര്, ജില്ലാ കമ്മറ്റിയംഗം അനിയന് എരുമേലി, ഒബിസി മോര്ച്ച ജില്ല സെക്രട്ടറി കെ. പി. മണി, വെസ്റ്റ് ഈസ്റ്റ് പഞ്ചായത്ത് കമ്മറ്റി പ്രസിഡന്റുമാരായ ഹരികൃഷ്ണന്, സന്തോഷ് പാലമൂട്ടില്, എന്നിവര് പങ്കെടുത്തു.
