ഇരിങ്ങാലക്കുട: ബഹിരാകാശ ചരിത്രത്തില് ആദ്യമായി നൂറിലധികം ഉപഗ്രഹങ്ങള് ഒന്നിച്ച് വിക്ഷേപിച്ചു വിജയിപ്പിച്ച ഭാരതത്തിന്റെ അഭിമാനമായ ഐര്ഒ പു.എസ്.ആര്.ഒ യുടെ സുവര്ണ നേട്ടത്തില് പങ്കുചേര്ന്നതിന്റെ ചാരിതാര്ത്ഥ്യത്തില് ഇരിങ്ങാലക്കുട കോണത്തുകുന്നിലെ വജ്രയും.
104 ഉപഗ്രഹങ്ങള് ഒന്നിച്ച് ഭ്രമണപഥത്തിലെത്തിച്ചുകൊണ്ട് ദൗത്യം പൂര്ണവിജയമാക്കിയ ഐ.എസ്.ആര്.ഒയുടെ പി.എസ്.എല്.വി സി-37 ബഹിരാകാശ പേടകത്തിന്റെ ഗതിനിര്ണ്ണയ സംവിധാനത്തിലെ സുപ്രധാനഘടകമായ എച്ച്പിഎസ് 3 ഫഌക്സ് സീല് നിര്മ്മിച്ചത് വജ്ര റബ്ബര് പ്രോഡക്ട്സിലാണ്. ഇതിനു പുറമെ അനുബന്ധ ഘടകങ്ങളായ റബ്ബര് ഗാസ്കെറ്സും ബുഷുകളും ഇവിടെ നിര്മിച്ചതാണ്.
ഭാരതത്തിന്റെ റോക്കറ്റുകളുടെ പ്രധാന ഭാഗമായ ഫഌക്സ് സീല് നിര്മിക്കുന്നത് വജ്രയില് ആണ്. ഇന്ത്യയുടെ ഭൂഖണ്ഡാന്തര ബാലിസ്റ്റിക് മിസൈല് അഗ്നി-5 ന്റെ ഫഌക്സ് സീല് നിര്മിച്ചതും വജ്രയിലാണ്. മര്ദ്ദം കൊണ്ട് ഉയര്ന്നു പൊങ്ങുന്ന മിസൈലുകളുടെയും റോക്കറ്റുകളുടെയും ഗതിനിര്ണ്ണയ സംവിധാനമാണ് ത്രസ്റ്റ് വെക്റ്റര് കണ്ട്രോള് എന്ന ഫഌക്സ് സീല്. ഇവ മുകളിലേക്കുള്ള മര്ദ്ദത്തെ ശരിയായ രീതിയില് നിയന്ത്രിക്കുന്നതുകൊണ്ടാണ് റോക്കറ്റിനു ലക്ഷ്യത്തില് എത്താന് സാധിക്കുന്നതും കൃത്യമായി ഉപഗ്രഹങ്ങള് ഒന്നിച്ച് ഭ്രമണപഥത്തിലെത്തിക്കാന് സാധിക്കുന്നുതും.
എയ്റോസ്പേസ് രംഗം കൂടാതെ വജ്രയുടെ ഉത്പന്നങ്ങള് നേവല് ഡിഫെന്സ് രംഗത്തും ഉപയോഗിക്കുന്നുണ്ട്. ഇന്ത്യ വികസിപ്പിച്ചെടുത്ത ആദ്യ ന്യൂക്ലിയര് പവേര്ഡ് ബാലിസ്റ്റിക് മിസൈല് സബ്മറൈന് ആയ അരിഹന്തിന്റെ പല പ്രധാന ഘടകങ്ങളും വജ്രയിലാണ് നിര്മിച്ചത്. ഈ രംഗത്തു അതികായരായ റഷ്യന് ട്രാന്സ്ഡ്യൂസഴ്സ് ഉത്പന്നങ്ങള് ചുരുങ്ങിയ ചെലവില് വജ്രയില് റീഫര്ബിഷ് ചെയ്തു വിജയിപ്പിച്ചിട്ടുമുണ്ട്. 18 ലക്ഷം വില വരുന്ന ഇവ വെറും 85000 രൂപയ്ക്കാണ് വജ്രയില് പുനര്നിര്മിച്ചത്. ഇത്തരത്തില് പ്രതിരോധ വകുപ്പിന് 504 ട്രാന്സ്ഡ്യൂസഴ്സ് നിര്മ്മിച്ചു നല്കി 85 കോടിയോളം രൂപ രാഷ്ടത്തിനു ലാഭമുണ്ടാക്കാനും വജ്രയ്ക്കു കഴിഞ്ഞിട്ടുണ്ട്.
ഇന്ത്യ തദ്ദേശീയമായി നിര്മ്മിച്ച അണുവായുധ ശേഷിയുള്ള ക്രുയിസ് മിസൈല് ആയ നിര്ഭയിലെ ഗതിനിര്ണ്ണയ സംവിധാനമായ ത്രസ്റ്റ് വെക്റ്റര് കണ്ട്രോള് ഫഌക്സ് സീല് നിര്മ്മിച്ചത് ഇവിടെയാണ്. ഭാരതത്തിന്റെ അഭിമാനമായ ചന്ദ്രയാന്റെയും, മംഗള്യാന്റെയും വിക്ഷേപണത്തിന് ഉപയോഗിച്ച റോക്കറ്റായ പിഎസ്എല്വി എക്സ്എല് 25 ന്റെ പ്രധാന ഭാഗങ്ങളും ഇവിടെയാണ് നിര്മ്മിച്ചത്. റബ്ബര് ടൂ മെറ്റല് ബോണ്ടിലുള്ള ഫഌക്സീല് ആണ് നിര്മ്മിച്ചിരിക്കുന്നത്. കഴിഞ്ഞ 20 വര്ഷത്തോളമായി ഐഎസ്ആര്ഒയുമായി സഹകരിക്കുന്ന വജ്ര പ്രതിരോധ വകുപ്പുമായും സഹകരിച്ചുവരുന്നുണ്ട്.
അമേരിക്കയുടെ ആര് എസ്ആര്എം സോളിഡ് ബൂസ്റര്, ഫ്രാന്സിലെ അരിയന് 5 സോളിഡ് ബൂസ്റര് എന്നിവയ്ക്ക് ശേഷം ലോകത്തിലെ മൂന്നാമത്തെ സോളിഡ് പ്രോപ്പല്ലന്റ് സോളിഡ് ബൂസ്റര് റോക്കറ്റ് സ്റ്റേജ് ആയ എസ് 200 ന്റെയും ജിഎസ്എല്വി മാര്ക്ക് 3 ലോഞ്ചിങ്ങ് വെഹിക്കിളില് ഉപയോഗിക്കുന്ന എസ്200 ന്റെ ഫഌക്സ് സീല് വജ്രയുടെതാണ്.
